Astanada Bıbigúl Tólegenovanyń 95 jasqa tolýyna oraı saltanatty kontsert ótti

<p>ASTANA. KAZINFORM - Іs-sharany Qazaqstan Respýblıkasynyń Mádenıet jáne aqparat mınıstrliginiń qoldaýymen &laquo;Qazaqkontsert&raquo; memlekettik akademııalyq kontserttik uıymy uıymdastyrdy.</p>

Kesh shymyldyǵyn mereıtoı ıesiniń beınequttyqtaý sózi ashty. Arhıvtik beınematerıaldar, mýzykalyq shyǵarmalar jáne áserli estelikter keshtiń rýhanı mazmunyn aıshyqtaı túsip, jınalǵan qalyń kópshilikke erekshe ári jyly áser syılady.

Foto: QR Mádenıet jáne aqparat mınıstrligi

Kontsert baǵdarlamasynda ulttyq jáne álemdik mýzykalyq mádenıettiń jaýharlary shyrqaldy. Qazaqkontserttiń «Halyq qazynasy» ulttyq óner ortalyǵynyń, klassıkalyq jáne estradalyq óner bólimderiniń solısteri, Qazaq memlekettik sımfonııalyq orkestri jáne «Gúlder» ansamblderi joǵary deńgeıde óner kórsetti.

Foto: QR Mádenıet jáne aqparat mınıstrligi

Bul kontserttiń ereksheligi - onyń derekti, tanymdyq sıpatynda. Bıbigúl Tólegenova óziniń shyǵarmashylyq jolyn, ónerge kelýin, operadaǵy mańyzdy rólderin, sahnalas áriptesteri, gastroldik saparlarymen baılanysty estelikterin ekran arqyly baıandady. Kontsert tek mýzyka men bı ǵana emes, Bıbigúl Tólegenovanyń óner jolyn tolyq qamtıtyn mazmundy, taǵylymy mol beınebaıandar usyndy. Ekran arqyly ótken shaqtaǵy estelikter men mańyzdy oqıǵalar kórermendermen bólisip, onyń ónerdegi jetistikteri men jeke tulǵasy tereńirek tanystyryldy.

Sondaı-aq keshtiń kórkin Qazaqstannyń eńbek sińirgen qaıratkerleri Tolqyn Zabırova men Jupar Ǵabdýllına keltirdi.

Foto: QR Mádenıet jáne aqparat mınıstrligi

Merekelik sharaǵa QR Mádenıet jáne aqparat mınıstri Aıda Balaeva jáne birqatar mádenıet, óner, qoǵam qaıratkerleri qatysty. Keshtiń basty qonaǵy mereıtoı ıesi Bıbigúl Tólegenovanyń ózi boldy.

Barlyq ártisterdiń birigip oryndaǵan «Mama» shyǵarmasy kontsertti erekshe qorytyndylady. Júrek tebirenter osynaý shyǵarma opera ánshisiniń shyǵarmashylyǵyndaǵy otbasy, mahabbat pen adamgershilik syndy máńgilik qundylyqtardyń jarqyn sımvoly ispettes.

Foto: QR Mádenıet jáne aqparat mınıstrligi

Bul kesh Qazaqstannyń mýzyka ónerin damytýǵa zor úles qosqan kórnekti ánshiniń shyǵarmashylyǵyn taǵy bir márte asqaqtatqan aıshyqty mádenı oqıǵa boldy.

Іs-sharada Bıbigúl Tólegenovaǵa QR Mádenıet jáne aqparat mınıstrligi atynan yqylas gúli tabys etildi.

Aıta keteıik, aty ańyzǵa aınalǵan ánshiniń mereıtoıy aıasynda Qazaqstan boıynsha kontsertter, kórmeler, mýzykalyq keshter, dóńgelek ústelder men konferentsııalar sekildi 150-ge jýyq is-shara ótkizildi.

Foto: QR Mádenıet jáne aqparat mınıstrligi

Osyǵan deıin Bıbigúl Tólegenovanyń mereıtoıyna arnalǵan poshta markasy paıda bolǵanyn habarlaǵan edik.