ASTANA. QazAQparat - Astanada ótip jatqan halyqaralyq «EKSPO-2017» kórmesi aıasynda 21-24 shilde aralyǵynda «Dáýlet» sport kesheninde belbeý kúresinen eresekter arasynda XV álem chempıonaty ótedi, dep habarlaıdy QazAqparat tilshisi.
Álemdik dodaǵa 42 memleketten 300-ge jýyq sportshy qatysady dep kútilýde. Bul synda erler 16, al áıelder 6 salmaq dárejesi boıynsha ózara kim myqtyny anyqtaıdy.
Erler arasyndaǵy medaldar jıyntyǵy erkin jáne klassıkalyq tásilde sarapqa salynsa, áıelder arasynda tek erkin tásilde júldeler sarapqa salynady.
Belbeý kúresi - beli baılanǵan eki jaýyngerdiń ózara jekpe-jegin kórsetetin ejelgi kúres túri. Sportshylar jekpe-jek kezinde bir-birin belbeýden ustap, beldesedi jáne árqaısysy óz qarsylasyn jyǵýǵa jáne jeńýge tyrysady.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.