Astanada bastalǵan Naýryz estafetasy Almatyda jalǵasty

ALMATY. QazAqparat - Astanalyqtar joldaǵan Naýryz merekesiniń estafetasyn almatylyqtar saltanatpen qabyldap aldy, dep habarlaıdy QazAqparat tilshisi. 

M.Áýezov atyndaǵy akademııalyq drama teatrdyń aldynda jınalǵan teatr ártisteri men T.Júrgenov atyndaǵy Óner akademııasynyń stýdentteri án salyp, bı bılep, megapolıstegi áz-Naýryzdyń toılaýdy bastap berdi. «Qosh keldiń, Naýryz» dep atalatyn flesh-mob estafetasyn qabyldap alǵan óner ujymy ulttyq kıimde «Naýryz» degen sózge quraldy.

«Osylaısha, biz Naýryzdy toılaýdy bastadyq. Naýryz - jyl basy, jańarý! Mundaǵy barlyq ártister, ánshilermen stýdentter kóp ultty halqymyzdy osylaısha jyl basymen quttyqtaıdy», - dedi uıymdastyrýshylar.

Sharada «Saltanat» ansambliniń bıshileri qazaq bıin bılese, ártister ulttyq ánderdi shyrqady. Kelýshiler baýyrsaqtan dám tatty. Sharaǵa shyǵarmashylyq ujymdardan barlyǵy 300-denastam adam qatysty.

Endi «Naýryz» flesh-moby estafetasyn Shymkent qalasy qabyldap alady.