Astanada balalarǵa avtobýspen júrý tegin: Alaıda kartochkanyń bolýy mindetti

NUR-SULTAN. QazAqparat – Nur-Sultan qalasynda 18 jasqa deıingi mektep oqýshylary qoǵamdyq kólikte tegin júredi. Alaıda barlyǵy birdeı kólik kartasy bolýy qajet, dep habarlaıdy QazAqparat.

«Bir aıdan keıin jańa oqý jyly bastalady. Kassadaǵy kezekterdi boldyrmaý úshin mektep kólik kartasyn aldyn ala jasatyp alýdy suraımyz.

Ózderińiz biletindeı, elordada qala jáne Nur-Sultan qalasy mańynda turatyn 18 jasqa deıingi oqýshylar qoǵamdyq kólikte tegin júredi. Ol úshin mektep kólik kartasy bolýy kerek jáne ony avtobýs salonynda valıdatsııadan ótkizý qajet», - dedi «City Transportation Systems» JShS-dan.

Atap ótilgendeı, mektep kólik kartasyn eki jolmen alýǵa bolady:

- R. Qoshqarbaev dańǵyly, 50/1 mekenjaıyndaǵy ortalyq kassadan;

- transcard.kz saıt arqyly.

Kartany jasatýǵa qajetti qujattar:

- ata-ananyń biriniń jeke kýáligi;

- balanyń JSN bar týý týraly kýáligi nemese jeke kýálik;

- mektepten anyqtama;

- 3h4 formattaǵy 1 fotosýret.

Kólik kartasyn joǵaltqan jaǵdaıda ony qaıta jasatý úshin qajetti qujattar: balanyń týý týraly kýáligi, ata-anasynyń biriniń (zańdy ókiliniń) jeke kýáliginiń túpnusqasy nemese tólqujaty, oqýshynyń jasy 15-ten asqan bolsa mektep anyqtamasy qajet. 16 jasqa tolǵan oqýshylar óz betimen ótinish jasaı alady. Qalaǵan jaǵdaıda fotosýretti ózgertýge bolady.

Eske salaıyq, mektep kólik kartasyn alǵashqy alý quny 800 tg. Qaıta shyǵarý – 1500 teńge.