Astanada balalar jazýshylaryna halyqaralyq «Daraboz» syılyǵy tabystaldy (FOTO)
Bıylǵy mereıtoılyq H «Daraboz» báıgesinde baq synaǵan 500-den astam shyǵarmanyń ishinen jeti avtordyń jazǵandary úzdik dep tanyldy.
Birinshi dárejeli laýreattar retinde «Sıqyrly kitap» shyǵarmasynyń avtory Qaıyrbek Shaǵyr Semeıǵazyuly men «Istorıı ız detstva» shyǵarmasynyń avtory Dárııa Jumageldınova atalsa, ekinshi oryndy «Saıaq» shyǵarmasynyń avtory Meıirjan Jylqybaı men «Skazka o poıýşem barhane» shyǵarmasyn jazǵan Elena Klepıkova aldy. Al úshinshi orynǵa Ádilbek Ybyraıymuly («Máńgilik formýlasy») men Gúlsim Nazarbaeva («Malenkıı mýjchına») taban tiredi.
Sonymen qatar «Daraboz» syılyǵynyń bıylǵy mereıtoılyq saltanaty jańa «Balalar ádebıetin damytýǵa qosqan úlesi úshin» arnaıy júldesiniń bekitilýimen erekshelendi. Atalmysh syılyq qazaq balalar ádebıetiniń aqsaqaly, áıgili aqyn jáne balalar jazýshysy, Qazaqstan Halyq jazýshysy Muzafar Álimbaevqa berildi.
«Búgingi shara osymen onynshy ret uıymdastyrylyp otyr, sondyqtan bul óte qýanarlyq jaǵdaı. Shynynda bizge balalar ádebıetin jan-jaqty damytý qajet. Sondyqtan osyndaı syılyqtar balalar taqyrybyna qalam terbegen árbir jazýshyǵa berilgen kezde, olardyń shyǵarmashylyq shabyty da sharyqtaı túsetini anyq. Onyń ústine, ózderińiz kórip otyrsyzdar, búgingi úzdikter qatarynda tájirıbeli jazýshylarmen qatar, jas talanttar da bar ekeni qýantady», - dedi A.Muhamedıuly.
Aıta keteıik, jeńimpazdar aqshalaı syılyqpen qatar, elimizdegi aldyńǵy qatarly baspalarmen kelisimshartqa otyrý múmkindigine ıe boldy. Konkýrs qorytyndysy boıynsha tórt kitap pen bir jınaq basylyp shyǵyp, olar respýblıka mektepterine tegin taratylady.