Astanada balalar taýarlarynyń jármeńkesi ótip jatyr
Jármeńkeni qala ákimdiginiń qoldaýymen «QazExpoCongress» ulttyq kompanııasy» aktsıonerlik qoǵamy uıymdastyrdy.
Іs-shara alańynda birneshe baǵyttaǵy zattar bar: balalarǵa arnalǵan taýarlar (keńse taýarlary, kitaptar men oqýlyqtar, mektep formasy, kıim, oıynshyqtar, hobbılik kerek-jaraqtar, gadjetter, sport qural-jabdyqtary, jıhaz, sábıler men analarǵa arnalǵan taýarlar, vıtamınder men dıetalyq qospalar), bilim (mektepter, tárbıeshiler, kýrstar, joǵary oqý oryndary, balalar mamandary, elshilikter janyndaǵy sheteldik baǵdarlamalar), oıyn-saýyq (shyǵarmashylyq sheberlik synyptary, oıyn aımaqtary, anımatorlar), qyzmetter (kútýshiler, tasymaldaý).
«QazExpoCongress» resmı ókili Gúljan Sergıbaeva balalar taýarlary jármeńkesi EXPO kórme ortalyǵynyń alańynda úsh kún ótetinin aıtty.
«Osy kúnderi munda jańa oqý jylyna daıyndyq aıasynda taýarlar satylatyn bolady. Munda mektep formasy, balalar kıimi, keńse taýarlary, rıýkzaktar jáne basqa da mektepke qajetti kerek-jaraqtar bar. Óz ónimderin 60-tan astam kompanııa usyndy. Olardyń ishinde baspagerler, mektep formasyn, keńse, sporttyq kıim, sómkeler shyǵaratyn kompanııalar. Óz taýarlaryn usynatyn kompanııalardyń arasynda qazaqstandyq óndirýshiler bar. Kórmeniń birinshi kúni áleýmettik az qamtylǵan otbasylardan shyqqan balalarǵa qajetti mektep kerek-jaraqtaryn jınaý boıynsha 13 kompanııanyń qatysýymen qaıyrymdylyq aktsııasy ótti. Jańa oqý jylynyń basyna oraılastyrylǵan jármeńke ekinshi jyl ótip jatyr», – dedi Gúljan Sergibaeva.
Jármeńke qonaqtary úshin balalardyń shyǵarmashylyq stýdııalary mádenı oıyn-saýyq baǵdarlamasyn kórsetti. Odan keıin sporttyq jarystar men fashion balalar formasynyń kórsetilimi ótti.