Astanada balalar arasyndaǵy semizdiktiń aldyn alý strategııasyn daıyndaý jónindegi májilis ótýde

ALMATY. 18 qarasha. QazAqparat - Búgin Astanada balalar arasyndaǵy semizdiktiń aldyn alýǵa arnalǵan ulttyq strategııany daıyndaý jónindegi 3 kúndik sektoraralyq májilis ótýde. Ony Salaýatty ómir saltyn qalyptastyrý problemalary ulttyq ortalyǵy Dúnıejúzilik densaýlyq saqtaý uıymynyń Yqpaldastyq ortalyǵy jáne eýropalyq aımaqtyq bıýrosymen birlesip uıymdastyryp otyr.

Salaýatty ómir saltyn qalyptastyrý problemalary ulttyq ortalyǵynyń baspasóz qyzmetiniń jetekshisi Alýa Myrzahanovanyń aıtýynsha, onda «Tamaqtaný, fızıkalyq belsendilik, semizdik» baǵdarlamasynyń menedjeri Joao Breda men Dúnıejúzilik densaýlyq saqtaý uıymynyń Qazaqstandaǵy keńsesiniń úılestirýshisi Gaýhar Ábýova sheberlik dáristerin ótkizbek. Óıtkeni sońǵy 30 jyldyń ishinde álemde artyq salmaq pen semizdiktiń taralýy balalar arasynda aıtarlyqtaı artqan. 5 jasqa deıingiler arasynda ol 2010 jyly 42 mıllıonnan asqan. Al olardyń 35 mıllıony damýshy elderde turady. Dúnıejúzilik densaýlyq saqtaý uıymynyń málimetine qaraǵanda, 18 jasqa deıingiler arasynda álemde jalpy 170 mıllıon adam artyq salmaqtyń zardabyn tartýda.