Astanada «Azııa balalary» oıyndaryna irikteý jarysy bastaldy

<p>ASTANA. KAZINFORM &ndash; &laquo;Barys Arena&raquo; sport kesheniniń olımpıadalyq basseın bazasynda júzýden 3 jas toptary arasynda Astana qalasy ashyq chempıonatynyń ashylý saltanaty ótti.Keshe 2008-2009 jylǵylar men odan keıingi jyldary dúnıege kelgen jasóspirimder arasynda sý sporty túrlerinen elimizdiń ashyq birinshiligi bastalǵan bolatyn. 4 kúnge jalǵasatyn básekede 64 júlde jıyntyǵy sarapqa salynbaq.</p>

Sporttyq is-sharanyń ashylý saltanatyna Astana qalasy ákimdiginiń №4 Balalar men jasóspirimder mamandandyrylǵan olımpıadalyq rezerv sport mektebiniń basshysy Nurbol Jarqynbekov jáne tóreshiler quramy qatysty.

Jarystyń ashylýy rásimin saltanatty túrde mektep basshysy Nurbol Jarqynbekov ashyp, jas sportshylarǵa joǵary jetistikterge jetýine sáttilik tilep, jyly lebizin bildirdi.

«Sizderdi búgingi jarystyń bastalýymen shyn júrekten quttyqtaımyn. Birinshilik qalamyzda jyl saıyn dástúrli túrde ótkizilip turady. Dodaǵa qatysýǵa Qazaqstannyń ár óńirinen 400-den asa sportshy qatysýda. Qazirgi tańda júzý sport túri elimizde qarqyndy damyp keledi. Astanalyq sportshylar kóptegen jetistikterimen el sportynyń tarıhynda esimderin qaldyryp úlgerdi. Kúni keshe aıtýly mekteptiń tárbıelenýshileri Ońtústik Koreıada akademııalyq eskek esýden ótken Azııa kýboginde áıelder quramasy alǵash ret top jardy. Sondaı-aq jigitterimiz úzdik úshtikter qatarynan kórindi. Ózderińizdi búgingi jarysta kórgenime qýanyshtymyn. Jarysty uıymdastyrǵan barsha azamattarǵa elimizdiń sport salasyn damytýǵa qosqan úlesi úshin zor alǵysymdy bildiremin. Búgingi jarysta úzdikterdiń úzdiktigi anyqtalyp, eń myqtylar jeńis tuǵyrynan kórinedi degen senimdemin», - dedi №4 Balalar men jasóspirimder mamandandyrylǵan olımpıadalyq rezerv sport mektebiniń basshysy Nurbol Jarqynbekov.

Aıtýly dodada elimizdiń barlyq aımaǵy men sporttyq klýbtar júlde jolynda saıysqa túsedi. Jalpy 26 komanda maýsym aıynyń sońynda ıAkýtııa (Reseı) qalasynda ótetin VIII «Azııa balalary» halyqaralyq sporttyq oıyndary joldamasyna baq talastyrady.