Astanada Azaptaýǵa qarsy Ulttyq aldyn alý tetigi Úılestirý keńesiniń otyrysy ótti
Bul týraly QR Adam quqyqtary jónindegi ýákil apparatynyń baspasóz qyzmetinen habarlandy. - Úılestirý keńesi osy, bizdiń elimizde alǵashqy ret qurylǵan, tetikti retteý boıynsha edáýir jumysty jasady, - dedi Keńestiń Tóraǵasy Adam quqyqtary jónindegi ýákil A. Shákirov. - Bul qyzmetke BUU Adam quqyqtary jónindegi keńesiniń, BUU Azaptaýǵa qarsy komıtetiniń, BUU Adam quqyqtary jónindegi Joǵarǵy komıssary basqarmasynyń, Ombýdsmender halyqaralyq úılestirý komıtetiniń, Qazaqstan men Eýroodaq arasyndaǵy Adam quqyqtary salasyndaǵy Suhbat boıynsha seriktesterdiń jáne basqa da shetel áriptesterdiń jaǵynan jaǵymdy baǵa berildi. Sondaı-aq, 2015-jylda jabyq memlekettik mekemelerdi monıtorıngtik aldyn ala bolýlardy ótkizý boıynsha UAAT qatysýshylaryn irikteýge baılanysty talqylaý ótti. Aldyńǵy eki kún ishinde Úılestirý keńesiniń músheleri usynylatyn talaptarǵa sáıkestigi máninde barlyq 147 kandıdattyń ótinimderi men málimetterin jan-jaqty zerdeledi.
- Jabyq ınstıtýtsıonaldyq mekemelerdi monıtorıngteý salasyndaǵy mamandyq bilimi, tájirıbesi, adam quqyqtary salasyndaǵy tıisti biliktiligi jáne ol barar mekeme ne uıymnyń erekshelikterin biletin kandıdattarǵa artyqshylyq berý qajet, - dedi ombýdsmen A. Shákirov.
Budan basqa, Adam quqyqtary jónindegi ýákildiń jáne Úılestirý keńesiniń sheshimderin tıimdi júzege asyrý, memlekettik organdar qyzmetkerlerin jáne mandat astyndaǵy mekemelerdiń personalyn oqytý, BAQ-tarmen UAAT-tyń árekettesýi sııaqty máseleler boıynsha pikir almasý ótti.
Qarashada ótken BUU Azaptaýǵa qarsy konventsııasyn saqtaý týraly Qazaqstan Respýblıkasynyń ulttyq baıandamasyn qorǵaýǵa qatysqan Keńes músheleriniń aqparaty tyńdaldy jáne Azaptaýǵa qarsy komıtettiń usynystaryn júzege asyrý máselesi boıynsha ustanymdar aıtyldy.
Otyrys nátıjesinde UAAT Úılestirý keńesi 2015-jyldaǵy UAAT músheleriniń korpýsyn jáne tıisti óńirlik toptardy qurdy, sondaı-aq UAAT jumys jospary bekitildi, azaptaýǵa qarsy áreket jasaý tetikti budan ári jetildirý qatysty birqatar usynystar qabyldandy.