Elordada áıeldiń basyna lıftiniń plıtkasy qulap, mıy shaıqaldy

<p>ASTANA. KAZINFORM&nbsp;&mdash; Elorda turǵynynyń basyna kópqabatty turǵyn úıdiń kireberisindegi lıftiniń taqtaıshasy qulaǵan.&nbsp;</p>

Jelidegi jazbaǵa sensek, oqıǵa «Buqar jyraý» turǵyn úı kesheninde bolǵan. Qazir jaraqat alǵan áıel aýrýhanada jatyr. 

«27 qyrkúıek kúni jedel medıtsınalyq járdem brıgadasy 1978 jyly týǵan áıel adamdy № 1 kópbeıindi qalalyq aýrýhanaǵa jetkizdi. Beıindi dárigerlerdiń tekserýinen keıin naýqastyń mıy shaıqalǵany (bastyń sheke aımaǵy jumsaq tinderiniń kógerýi) belgili bolyp, aýrýhanaǵa jatqyzyldy. Patsıenttiń qazirgi jaǵdaıy birqalypty», — deıdi qalalyq densaýlyq saqtaý basqarmasynyń baspasóz qyzmetinen. 

Foto: Astanovka98

Osy jaıt boıynsha elordanyń polıtsııa departamentinen qandaı sheshim qabyldanyp, is qozǵalǵany týraly aqparat surattyq. 

Eske salsaq, elordada birer jyl buryn osyǵan uqsas oqıǵa bolǵan edi. 

Kópqabatty úı shatyrynan metall konstrýktsııa qulaǵan, saldarynan 56 jastaǵy áıel túrli jaraqat alyp, jansaqtaý bólimine tústi. 

Oqıǵaǵa qatysty QR Qylmystyq kodeksiniń 306-babyna sáıkes sotqa deıingi tergeý amaldary júrgizilgen.