Astanada áıelder arasynda tennısten eki iri halyqaralyq jarys ótedi

ASTANA. QazAqparat – Astanadaǵy Ulttyq tennıs ortalyǵynda 27 aqpan – 12 naýryz aralyǵynda ITF World Tennis Tour serııasynda áıelder arasynda «BeeTV 40 Women's» jáne «BeeTV 60 Women's» jarystary ótedi, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, eki týrnırdiń jalpy júlde qory 100 myń AQSh dollaryn quraıdy.

Dodaǵa álemdik reıtıngte TOP-300-ge kiretin tennısshiler qatysady. Olardyń arasynda japonııalyq Moıýka Ýchıdjıma (120 WTA), juptyq synda «Úlken dýlyǵa» týrnırleriniń toǵyz dúrkin jeńimpazy, frantsııalyq Krıstına Mladenovıch (150 WTA), reseılik Anastasııa Zaharova (166 WTA), rýmynııalyq Irına-Marııa Bara (197 WTA), serbııalyq Natalıa Stefanovıch (221 WTA) jáne basqalar bar.

Atalmysh jarystarda Qazaqstan namysyn Anna Danılına, Jibek Qulambaeva, Gózal Aınıtdınova, Arýjan Saǵyndyqova, Dana Baıdáýlet, Janel Rústemova syndy tennısshiler qorǵaıdy.

Áıelder arasyndaǵy ITF World Tennis Tour aıasyna alty sanattaǵy $15 000, $25 000, $40 000, $60 000, $80 000 jáne $100 000 jarystary kiredi. Elordadaǵy dodalar úshinshi jáne tórtinshi sanatqa satady.

Matchtar Qazsport jáne Insport-tyń Bee TV sporttyq bóliminde tikeleı efırden kórsetiledi.

Eske sala keteıik, budan buryn qazaqstandyq jasóspirim tennısshiniń Azııa reıtıngisinde kósh bastap kele jatqanyn jazǵan bolatynbyz.

Foto: shutterstock.com