Astanada áıel er adamdy kóligimen súırep óltirgen: Sot ony aqtady
Sotta anyqtalǵandaı, jábirlenýshi er adam N. sottalýshy áıel O.-ny saǵat 23.00 shamasynda úıiniń janynda kútip turǵan. Kezdesý barysynda, kólikke otyrǵannan keıin er adam qarym-qatynasty odan ári jalǵastyra berýdi usynǵan. Áıel odan bas tartqannan keıin N. onyń uıaly telefondarynyń birin tartyp alǵan. Keıin er adam saǵat 05.23 shamasynda onyń úıine oralýyn kútip, kóliginiń aldyna júgirip shyqqan jáne toqtaýǵa májbúrlegen. Osy jerde N. onyń úıge kesh oralǵanyn aıtyp janjal shyǵarǵan jáne kóliktiń esigin ashýdy talap etken. Budan soń ol balaǵat sózder aıtyp, O.-ny moınynan tunshyqtyra bastaǵan.
Osy ýaqytta áıel óziniń ómiri men densaýlyǵy úshin alańdap, túnde adam júrmeıtin jerde eshkimnen kómek suraýǵa múmkindigi bolmaǵandyqtan, N.-nyń avtokóliktiń aldynda emes, sol jaǵynda turǵanyn eskerip, kólikpen júrip ketken.
Óz kezeginde er adam óziniń zańsyz áreketterin jalǵastyryp, kóliktiń júrgizýshi jaǵyndaǵy tómen túsirilgen áıneginen eki qolymen myqtap ustap alǵan.
Áıel kóligin toqtatpaı, qozǵalysty jalǵastyrǵan, al er adam kólikke ilingen kúıi súıretilgen. Keıin ózin-ózi ustaı almaı, asfaltqa qulap, alǵan dene jaraqatynan kóz jumǵan.
Qylmystyq kodekske sáıkes, qorǵaný áreketi qajetti shekten asyp ketken jaǵdaıda, ol qasaqana is-áreket retinde sıpattalady.
«Apellıatsııalyq alqa O. bul jaǵdaıda N.-nyń densaýlyǵyna aýyr zııan keltirý nıetinde emes, tek qajetti qorǵanys maqsatynda áreket etti degen tujyrym jasady. Ol tek óziniń ómiri men densaýlyǵyna qol suǵýǵa jol bermeýge tyrysqan. Іs qorytyndysy boıynsha Qylmystyq kodeksiniń 112-babynyń 2-bóliginde kózdelgen qylmystyq quqyq buzýshylyq quramynyń bolmaýyna baılanysty aqtaý úkimi shyǵaryldy», - dep habarlady sottan.