Astanada aıaldamany qıratyp, úıdiń qaptamasyn buzǵan buzaqylar qolǵa tústi

<p>Astanada polıtseıler qoǵamdyq tártipti buzǵandardy anyqtady. Elordada vandalızmniń kez kelgen jaǵdaıymen kúres júrip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Máselen, 5 jeltoqsan kúni Almaty aýdanynyń polıtsııasyna Nájimedenov kóshesi, 52 mekenjaıynda jumysshy úıdiń qaptamasyn syndyryp jatqany týraly habar túsken. 

Oqıǵa ornynda fakt rastaldy. Quqyq buzýshyǵa QR ÁQBtK-niń 147-1-baby boıynsha ákimshilik is qozǵaldy.

Ol kóp uzamaı ustaldy, oqıǵa materıaldary sotqa joldandy. 

Sondaı-aq, quqyq qorǵaý organdary kámeletke tolmaǵan quqyq buzýshyny anyqtady, ol Kemeńgeruly, 13 mekenjaıynda jyly aıaldamanyń ishki qaptamasyna zaqym keltirgen. Polıtsııa isti qaraıdy.

Jyldyń basynan beri elorda polıtsııasy vandalızmniń 100-den astam faktisin anyqtady.

Qalany kúndelikti eki myńnan astam polıtsııa qyzmetkeri patrýldeıdi.

Aıta keteıik, jyl basynan beri Astanada eriktiler, belsendiler, tanymal sportshylar, qala turǵyndary qoldaý bildirgen «Toqta, vandal» aktsııasy iske asyp jatyr.

Aktsııa aıasynda qala boıynsha kúndizgi jáne túngi reıdter ótkiziledi, halyq arasynda qoǵamdyq tártipti saqtaý qajettiligi týraly túsindirý jumysy júrgiziledi.