Astanada avtonomdy jylý qazandyǵy bar turǵyn úıler gazǵa aýystyrylyp jatyr

<p>ASTANA. KAZINFORM &ndash; Astanada ortalyqtandyrylǵan jylý júıesine qosylmaǵan turǵyn úı keshenderi gazben qamtylady.</p>

Astana qalalyq energetıka basqarmasy basshysynyń orynbasary Maqsat Esmaǵulov qalany gazdandyrý jumystary týraly baıandady.

– Gaz kelgeli avtonomdy jylý qazandyqtary máselesi sheshilip keledi. Byltyrdan bastap probelmalyq turǵyn úı keshenderi gazǵa aýystyryldy. Bárimizge jaqsy málim, «Býdapesht», «Boston» sekildi TK turǵyndary suıytylǵan gazǵa aqsha jınaı almaı, túnde jylýy toqtap qalatyn máseleni kótergen edi. Qazir biraz turǵyn úı tabıǵı gazǵa aýysyp, ortalyqtandyrylǵan gaz júıesine qosyldy, - dedi M. Esmaǵulov qalalyq máslıhat otyrysynda.

Sondaı-aq, ortalyqtandyrylǵan gaz júıesine jylý elektr ortalyqtary da qosylǵan.

– Qaladaǵy barlyq JEO-lar gazben jumys isteıdi. JEO-1-de 10 qazandyq, JEO-2-de 6 qazandyq gazben jumys istese, JEO-3 gazdyń kómegimen ýaqytyly iske qosyldy jáne óziniń jobalyq qajetti jylýyn berip otyr. Gazdyń kelýimen Qazaqstanda balamasy joq eki úlken gaz qazandyǵy – «Turan» jáne «Ońtústik-Shyǵys» iske qosyldy, - dedi spıker.

Qazir qalany gazdandyratyn 2 avtomattandyrylǵan gaz taratý stantsııasy jumys istep tur. Árbiriniń qýatyn saǵatyna 230 myń tekshe metrdi quraıdy.

– Biraq qala osy kórsetkishterge jaqyndap keledi. Aqmola oblysyna qarasty jaqyn mańdaǵy Qoıandy, Aqmol aýmaqtary bizge qosylyp, tutyný deńgeıi ósedi. Sondyqtan úshinshi avtomattandyrylǵan gaz taratý stantsııasynyń qurylysy bastaldy, bul qalamyzǵa saǵatyna 310 myń tekshe metr gaz bere alady, - dedi M. Esmaǵulov.

Aaıta keteıik, Astanada 20 myń jer úıdiń 12 myńy tabıǵı gazǵa kóshirilgen jáne qala boıynsha 8 shaqyrymnan astam gaz qubyry tartylǵan.