Astanada avtogaz tapshy

<p>Qazan aıynda Atyraý zaýytynda júrgizilip jatqan jóndeý jumysyna jáne &laquo;PMHZ&raquo; JShS men &laquo;SNPS-Aqtóbemunaıgaz&raquo; AQ zaýyttarynyń úlken júktemesine baılanysty Astanada avtogaz tapshylyǵy máselesi týyndady, dep habarlaıdy <a href="https://kaz.inform.kz/" target="_blank" rel="noopener">Kazinform</a> Astana ákimdigine silteme jasap.</p>

6 qarashadaǵy jaǵdaı boıynsha qalada gaz qaldyǵy 900 tonnany quraıdy, 1476,3 tonna jetkizilýi tıis. Onyń ishinde búgin 9 vagon (324 tonna) jetkizildi, 7 qarashada 16 vagon (576 tonna) jetkizilýi kerek. 7 qarashadan bastap «SNPS-Aqtóbemunaıgaz» AQ zaýyty 25 vagon (900 tonna) gaz, 8 qarashada 15 vagon (540 tonna) suıytylǵan gaz kólemin jóneltýdi bastaıdy.

Zaýyttardyń qyzmeti, sondaı-aq gazdy ýaqytyly jóneltý men jetkizýdi qamtamasyz etýdi retteý máselesi QR Energetıka mınıstrliginiń, «Qazaqstan temir joly» UK» AQ quzyretinde.

Suıytylǵan gazdyń jetispeýshiligin eskere otyryp, satýshylar avtogaz quıý stantsııalarynda talondyq júıeni engizý arqyly satý boıynsha shekteýler engizdi.

Bul sharalar jaǵdaıdy qalypqa keltirgenge deıin gaz tapshylyǵyn boldyrmaýǵa baılanysty qoldanylady.

Bıyl 6 qarashada qala ákimdiginde memlekettik organdar men uıymdardyń, sondaı-aq suıytylǵan munaı gazyn ótkizýshilerdiń qatysýymen keńes ótkizildi.

«Qazirgi ýaqytta másele tıisti memlekettik organdardyń baqylaýynda, shekteýlerdi kezeń-kezeńimen bir apta ishinde alyp tastaý josparlanyp otyr»,-delingen habarlamada.