Astanada avtobýstyń jańa eki baǵdary qatynaı bastaıdy

ASTANA. QazAqparat – Astana qalasynda 31 tamyzdan bastap qoǵamdyq kóliktiń jańa eki baǵdary qatynaı bastaıdy, dep habarlaıdy QazAqparat shahar ákimdiginiń baspasóz qyzmetine silteme jasap.

№ 49 baǵdar mamandandyrylǵan Halyqqa qyzmet kórsetý ortalyǵyn Bas meshitpen baılanystyrady. Avtobýs «Kóktal-1» – «Kóktal-2» turǵyn alaptary, «Kóktal» parki, «Jaǵalaý» turǵyn alaby, Sh. Aıtmatov, Syǵanaq jáne Bas meshit kósheleri arqyly qatynaıdy.

№ 57 baǵdar «Nurly jol» temirjol vokzaly men Qazybek bı kóshesin biriktiredi. Bul baǵytty iske qosý Tóle bı kóshesinde qyzmet kórsetýge, Syǵanaq, Saraıshyq jáne A. Baıtursynov kóshelerinde kólik qatynasyn jaqsartýǵa múmkindik beredi. Osylaısha, №40 avtobýstyń júktemesi tómendetiledi. Sondaı-aq R. Qoshqarbaev dańǵylymen avtobýstardy iske qosý múmkindigi paıda bolady.

Avtobýstardyń qozǵalys syzbasy qosymsha habarlanatyny aıtylǵan.