Astanada avtobýstarǵa arnalǵan jeke joldar salynady

ASTANA. 5 qyrkúıek. QazAqparat - 2017 jylǵa deıin Astanada «Intellektýaldy kólik júıesi» engiziletin bolady. Smart Astana aıasynda iske asyrylatyn joba boıynsha kólik qozǵalysynyń jyldamdyǵyn arttyryp, kólik keptelisin joıý kózdelgen. Ol úshin jolaýshylar kóliginiń jumysyn baqylaý, júrgizýshilerdi aqparattandyrý júıeleri jasalyp, kólik aǵymyn monıtorıngileý júrgizilip otyrady.

«Intellektýaldy kólik júıesi» jobasy birneshe kezeń boıynsha júzege asyrylady. 2014 jylǵa qaraı alǵashqy nátıjelerdi kóretin bolamyz. Qazirgi ýaqytta sol jáne oń jaǵalaý arasyn jalǵaıtyn 5 kópir bar. Olardyń barlyǵynda kólik keptelisi jıi bolady. Atalmysh júıe aıasynda «aqyldy» baǵdarshamdar ornatylady. Olar júrgizýshilerdi kólik keptelisi az kóshelerge baǵyttap otyrady. Búginde jolaýshylar kóligimen bir jerge jetý úshin 50 mınýt jolǵa ketedi. Ol ýaqytty 20 mınýtqa deıin qysqartý josparlanýda», - deıdi joba jetekshisi, Astana qalasynyń Jolaýshylar kóligi jáne avtomobıl joldary basqarmasynyń bastyǵy Rashıd Amanjolov.

Onyń aıtýynsha, qalada joldar qaıta salynady jáne negizgi basymdyq qoǵamdyq kólikterge berilmek.

«Avtobýstar joldyń ortasyndaǵy jeke jolaqpen júretin bolady. Basymdyq qoǵamdyq kólikterge beriletin bolady. Barlyq joldar qaıta ózgertiledi», - dep atap ótti R.Amanjolov.

IKJ jobasyn ıspandyq Typsa kompanııasy iske asyrady.