Astanada aýylsharýashylyq jármeńkesi ótip jatyr
Elorda ákimdiginiń resmı saıtynda málim etilgendeı, jármeńkede sıyr eti men sút ónimderi, balyq pen kókónis suranysqa ıe. Al taýar quny naryqtaǵy baǵadan 10-15 paıyzǵa arzan.
«Búgin kún sýyq bolsa da óz ónimderimizdi ákeldik. Turǵyndar birtindep jınalyp jatyr. Keshki ýaqytqa deıin taýarlarymyzdy satyp, erteń tańerteń taǵy da shyǵamyz. Bir baıqaǵanym, balyq ónimderiniń baǵasy arzan bolǵandyqtan tez ótip ketedi», – deıdi Ardaq esimdi satýshy.
Budan bólek sıyr, jylqy, qoı ján qus etteri, sút jáne qyshqyl sút ónimderi, kókónister (kartop, pııaz, sábiz, qyryqqabat), jemister, taýyq jumyrtqasy, balyq, jarma, un jáne taǵy da basqa ónimder usynylǵan.
«Men búgin alma men qııar, sıyr eti men balyq etin satyp aldym. Sebebi, almanyń quny 350 teńgeden bastalady eken. Al úıimniń janyndaǵy dúkennen 550 teńgeden alyp júrmin. Senbilik demalysymdy paıdalanyp, jármeńkege keldim», – deıdi Symbat esimdi qala turǵyny.
Aıta ketsek, atalǵan jármeńke 6-7 qarashada ótedi. Keler aptanyń senbi-jeksenbi kúnderi 200-den astam taýar óndirýshiniń qatysýymen taǵy da jármeńke ótedi.