Astanada aýyl sharýashylyǵy jáne tamaq ónerkásibi salasyndaǵy jańa ónimder tanystyrylady
22:17, 29 Qazan 2013
ASTANA. 29 qazan. QazAqparat - 2013 jylǵy 30 qazan men 1 qarasha aralyǵynda «Kórme» ortalyǵynda «KazAgro 2013» aýyl sharýashylyǵy men tamaq ónerkásibiniń jáne «KazFarm 2013» mal sharýashylyǵy men et jáne sút ónerkásibi jónindegi jyl saıynǵy iri halyqaralyq kórmeleri ótedi.
Shara barysynda Avstralııa, Avstrııa, Belarýs, Vengrııa, Germanııa, Úndistan, Ispanııa, Italııa, Kanada, Nıderlandy, Polsha, Reseı, AQSh, Túrkııa, Ýkraına, Frantsııa, Shveıtsarııa, Ońtústik Koreıa jáne Qazaqstan elderiniń 200-den astam agrarlyq ónerkásip kompanııasy óz ónimderin usynady.
Kórmege kelýshiler men qatysýshylardyń nazaryna aýyl sharýashylyǵy mashınalaryn jasaý men qondyrǵylardyń jańa túrleri, ósimdik, mal, qus sharýashylyqtaryna, tyńaıtýǵa arnalǵan tehnologııalar, ósimdikterdi qorǵaý zattary, veterınarııa, jemshóptiń túrleri, aýyl sharýashylyǵy salasyndaǵy qyzmetter usynylady. Bul týraly astana.kz habarlady.