Astanada aýtızmi bar balalarǵa arnalǵan tegin sport mektebi ashyldy
Qazaqstan Prezıdenti 2022 jyldy Balalar jyly dep jarııalaǵany málim. «ORDA AUTISM SPORT» sport mektebi de osy ataýly jylǵa oraılastyrylyp otyr. Arnaıy mektepte erekshe balalarǵa arnalǵan ústel tennısi, jekpe-jek, horeografııa jáne t.b. sport sektsııalary jumys isteıtin bolady. Sonymen qatar, mekteptegi barlyq sport sektsııalary ARTSPORT.FOOD platformasy boıynsha balalarǵa qoljetimdi bolady jáne sektsııalardyń barlyǵy tegin.
Ashylý saltanatyna Nur-Sultan qalalyq Іshki saıasat basqarmasynyń basshysy Dáýren Babamuratov, qalalyq eńbekpen qamtý jáne áleýmettik qorǵaý basqarmasynyń basshysy Ilıa Skýb, «Orda» jeke qoǵamdyq qorynyń basshysy Aınur Ospanqyzy jáne basqalary qatysqan.
Nur-Sultan qalasyndaǵy «ORDA» aýtızmge shaldyqqan balalar ata-analarynyń qoǵamdyq birlestigi alty jyldan astam ýaqyt boıy 18 jasqa deıingi múmkindigi shekteýli balalarǵa túzetý, úılerinde arnaýly áleýmettik qyzmet kórsetip keledi.