Astanada aýtıst balalardy qoldaýǵa arnalǵan marafonnan 6 mln teńge qarajat tústi
«Bolashaq» qorynyń uıymdastyrýymen ótken sharanyń maqsaty – qazaqstandyqtardyń nazaryn aýtızmmen aýyratyn adamdarǵa aýdarý, olardyń ómir súrýine qolaıly jaǵdaı jasaý.
«Bul júgiris aýtızmmen aýyratyn adamdardy qoldaýǵa arnalǵan alǵashqy keń kólemdi shara. Osy arqyly biz halyqtyń nazaryn eresekter men balalardyń máselelerine aýdartqymyz keledi. Bul kezeńge deıin biz elimizdiń 22 qalasyndaǵy mektepterde aýtızmge shaldyqqan balalarǵa bilim berýge arnalǵan 46 kabınet ashtyq. Búgingi júgiriske 1 100 adam, 100-den astam volonter qatysyp jatyr. Árıne, bul qýanyshty jaıt. Bastamany qoldaǵan elorda qalasy ákimdigine alǵys aıtamyn. Biz júgiristiń jyl saıyn dástúrli túrde ótkizip turýǵa tyrysamyz», - dep málim etti «Bolashaq» qorynyń qamqorshylyq keńesiniń tóraǵasy Dınara Gaplan.
Uıymdastyrýshylardyń aıtýynsha, «Run for autism» sharasynan jınalǵan 6 mln teńgeden astam qarajat «Ár bala mektepke barýǵa laıyq» jobasyn iske asyrýǵa baǵyttalady.
ıAǵnı, aýtızmmen aýyratyn búldirshinderdiń ózgelermen teń deńgeıde bilim alýyna jaǵdaı jasaýǵa jumsalady.
Balalarǵa qoldaý kórsetý maqsatynda ózge óńirlerden kelgen qatysýshylar da boldy.
Sonyń biri – parasportshy Baqtygúl Álimbekova.
«Osy júgiris marfonyna qatysyp otyrǵanyma qýanyshtymyn. Men Almatydan arnaıy keldim. Men bul sharanyń elimizdiń ózge de qalalarynda jalǵasqanyn qalaımyn. Balalar – bizdiń bolashaǵymyz, olarǵa qoldaý qajet. Men taıaýda júgirýge arnalǵan protez aldym. Buǵan deıin men skandınavııalyq júristen ótetin sporttyq saıystarǵa qatysyp keldim. Endi qazir júgirispen aınalysyp júrmin», - dedi Baqtygúl Álimbekova.
Buǵan qosa, júgiriske kásibı jáne áýesqoı sportshylar, balasy aýtızmge shaldyqqan ata-analar qatysty.
«Búginde álemde ár 40-shy bala aýtızmmen aýyrady. Qazir osyndaı dıagnozy bar balalardyń ata-analary men qoldaýshylardyń arqasynda jaǵdaı ózgerdi. Atap atqanda, mundaı balalarǵa bilim berý salasy jetildi. Buryn olar bólek oqıtyn nemese múldem bilim almaıtyn. Qazir búldirshinderimiz qarapaıym balalarmen qatar mektepke barady, túrli úıirmelerge qatysady. Máselen, búgingi sharaǵa 1 100 adam qatysyp jatyr. Bul – qoǵamnyń aýtızımge shaldyqqan balalarǵa beı-jaı qaramaıtynyn bildiredi», - dedi balasy aýtızm dertine shaldyqqan ata-analardyń biri Sara Bákirova.
Júgiris 4 dıstantsııa boıynsha ótti: 1 km, 2,5 km, 5 km, 10 km.
Shara sońynda qatysýshylar arasynda baǵaly syılyqtar oınatyldy.