Astanada Atyraý aýyl sharýashylyǵy ónimderiniń jármeńkesi ótedi

ASTANA. QazAqparat – Elordada 9-10 qyrkúıek aralyǵynda Atyraý oblysynyń aýyl sharýashylyǵy taýarlarynyń jármeńkesi ótedi, dep habarlaıdy QazAqparat.

Atyraý oblysy Aýyl sharýashylyǵy basqarmasy taratqan málimetke sáıkes, jármeńkede et jáne sút ónimderiniń 17, balyq jáne balyq ónimderiniń 48, baý-baqsha ónimderiniń 12 túri, barlyǵy 72 tonna aýyl sharýashylyǵy taýarlary usynylady. Jármeńke Astana qalasy, Táýelsizdik dańǵyly, 50 mekenjaıynda, Qazaq Ulttyq óner ýnıversıtetiniń aýmaǵynda ótedi.

Aıta keteıik, ótken jyly jármeńkege Atyraý oblysynan 110 tonna aýyl sharýashylyǵy ónimi, onyń ishinde 44 tonna balyq qoıylǵan bolatyn.