Astanada asyq alańdary ashyldy

ASTANA. QazAqparat – Astananyń 25 jyldyǵyna oraı, elordanyń Saryarqa, Almaty jáne Esil aýdandarynda asyq alańdary ashyldy, dep habarlaıdy QazAqparat «Respublica» partııasynyń baspasóz qyzmetine silteme jasap.

Maqsat – ulttyq qundylyqtardy jan-jaqty dáriptep, qazaq halqynyń asyl murasy – asyq oıyndaryn jańǵyrtý. Óskeleń urpaqty ulttyq oıyndarǵa baýlý arqyly olardyń sanasyna rýhty, otanshyldyq sezimdi sińirý.

Asyq alańdary Almaty aýdanyndaǵy «Stýdenttik saıabaqta» jáne Esil aýdanynda ornalasqan «EKSPO» aýmaǵyndaǵy «Táýelsizdiktiń 25 jyldyǵy monýmenti» alańynda bolady. Sondaı-aq, aldaǵy ýaqytta dál osyndaı alańdardy basqa aýdandarda jáne elimizdiń ózge de óńirlerinde ashý josparlanyp otyr.

Bul alańdardyń ereksheligi – asyq tarıhy jáne oıyn túrleri men erejeleri týraly maǵlumatty arnaıy engizilgen QR-kod arqyly bilýge bolady.

Alańdardyń ashylý saltanatyna Májilis depýtaty Aıdarbek Qojanazarov, «Asyq oıyny» federatsııasynyń jetekshileri men ókilderi, qala turǵyndary qatysty. Іs-shara barysynda asyq oınatylyp, úzdikterge asyqtar syıǵa tartyldy.

Asyq – mal sharýashylyǵymen aınalysqan ata-babamyzdyń qoldanysynda kele jatqan kóne oıyn túri. Ol balanyń oı-qabiletin shyńdap, dáldikke, eptilikke, shıraqtylyqqa, ustamdylyqqa, alǵyrlyqqa tárbıeleıdi.