Astanada «Assambleıa - beıbitshilik pen jaqsylyq sımvoly» atty kontsert ótti (FOTO)

ASTANA. QazAqparat - Búgin Astanadaǵy polıtehnıkalyq kolledjde Qazaqstan halqy Assambleıasynyń 20 jyldyǵyna arnalǵan «Assambleıa - beıbitshilik pen jaqsylyq sımvoly» atty merekelik kontsert ótti. Bul týraly elorda ákimdiginiń resmı saıtynda habarlady.

Sharany uıymdastyrýshy - Qazaqstan halqy Assambleıasynyń Astana qalalyq bólimshesi, sharanyń maqsaty - áýesqoı shyǵarmashylyqty, Qazaqstanda ómir súretin ulttardyń salt-dástúrlerin damytý.

Іs-shara aıasynda elordalyq etnomádenı birlestikterdiń shyǵarmashylyq ujymdary óner kórsetti. Astana qalalyq «Polıakı» qoǵamdyq birlestiginiń «Stokrotka» vokaldyq ansambli, tájik mádenı ortalyǵynyń bıshileri, «Kolhetı» grýzın qoǵamdyq-mádenı ortalyǵynyń «Bagratıonı» vokaldyq ansambli, «Hazar» ázerbaıjan etnomádenı ortalyǵy ókilderiniń jáne Astana qalalyq kazaktar odaǵynyń oryndaýyndaǵy ánder kórermenderdiń kóńilinen shyqty.

Kontsert sońynda shyǵarmashylyq birlestikter stýdentterdi aldaǵy merekelermen quttyqtap, olarǵa densaýlyq, baqyt jáne oqýda tabystar tiledi.