Astanada áskerı paradqa óńirlerden 246 ardager keledi
17:07, 21 Sáýir 2015
ASTANA. QazAqparat - Astana qalasy mádenıet basqarmasynyń habarlaýynsha, elordada Uly Otan soǵysyndaǵy Jeńistiń 70 jyldyǵyna oraı birqatar mádenı-buqaralyq sharalar uıymdastyrylmaq, dep habarlaıdy elorda ákimdiginiń resmı saıtynan.
UOS ardagerlerine degen iltıpat bul kúnde ádettegiden de joǵary bolatyny málim. Mamyr aıynyń 6-10 aralyǵynda Astana qalasyna Qazaqstannyń ózge óńirlerinen arnaıy ardagerler delegatsııasy keledi.
Jalpy, aımaqtardan 246 soǵys ardageri men 73 súıemeldeýshi tulǵa Jeńis kúni paradyna kelmek. Sonymen qatar, mamyrdyń 9 kúni qala kóshelerinde 45-shi jeńil atletter estafetasy ótedi.
Astana qalasynyń ákimdigi temir jol vokzalynda jáne halyqaralyq áýejaıda ardagerlerdi úrmeli aspaptar orkestrimen qarsy alyp, shyǵaryp salady jáne gúl shoqtaryn syılaıdy.