Astanada áskerı qyzmetshi muz astyna qulap ketken balany qutqardy

ASTANA. QazAqparat - Astanada Memlekettik kúzet qyzmetiniń áskerı qyzmetshisi ózendegi muz astyna túsip qalǵan balany qutqardy, dep habarlaıdy QazAqparat.

«2023 jyly 18 naýryz kúni keshke «Alataý» sport keshenine bet alǵan Qazaqstan Respýblıkasy Memlekettik kúzet qyzmetiniń áskerı qyzmetkeri M.Rozaqov Aqbulaq ózeniniń jaǵalaýynan kómek suraǵan daýysty estidi. Kópirge júgirip shyqqan ol ózende muz astyna túsip ketken 2013 jylǵy R.Fatoevty kóredi. Áskerı qyzmetker der kezinde áreket etip, balany sýdan alyp shyqty. Áskerı qyzmetker áıeliniń shaqyrtýymen kelgen jedel járdem brıgadasy balany sport kesheniniń ǵımaratynda qarap shyqty, sodan keıin ol týysymen birge qalalyq medıtsınalyq mekemege qosymsha tekserý úshin jetkizildi», - dep habarlady Memlekettik kúzet qyzmetinen.