Astanada «Áskerı qyzmetkerlerdiń quqyqtary men zańdy múddelerin qorǵaý» atty jınaqtyń tanystyrylymy ótti
dep habarlaıdy QazAqparat.
Atalmysh jınaq zań shyǵarýshy jáne atqarýshy bılik ókilderine áskerılerdiń ómirine qatysty qujattardy qabyldaý kezinde paıdalanatyn aqyl-keńes quraly retinde, sondaı-aq ózge de memlekettik organdar men qoǵamdyq uıymdarǵa arnap shyǵarylǵan.
Esterińizge sala keteıik, «Generaldar keńesi» respýblıkalyq qoǵamdyq birlestigi uıymyna buryn qorǵanys salasy, ulttyq qaýipsizdik komıteti, ishki ister organdary men prokýratýrada uzaq jyldar qyzmet etken general shenindegi tájirıbeli ardager azamattardan qurylǵan qoǵamdyq uıym. «Generaldar korpýsy qashanda memlekettigimizdiń irgesin nyǵaıtýǵa, ulttyq táýelsizdigimiz ben respýblıkanyń tutastyǵyn qamtamasyz etý baǵytyndaǵy sharalardy turaqty qoldap keledi. Búginde keńes ókilderi áskerı qyzmetkerler kúsh-qýat qurylym ókilderi men olardyń otbasylarynyń áleýmettik máselelerine basa kóńil bólýde», deıdi «Generaldar keńesi» respýblıkalyq qoǵamdyq uıymy prezıdıýmy tóraǵasynyń orynbasary Tursyn Aıjolov.
Onyń sózine qaraǵanda, ótken jyly qoǵamdyq birlestik ókilderi Mádenıet jáne aqparat mınıstrliginiń tapsyrysymen «Áskerı qyzmetkerlerdiń quqyqtary men zańdy múddelerin qorǵaý» jobasyn júzege asyrǵan. Jobanyń maqsaty áskerılerdiń quqyqtary men zańdy múddeleriniń saqtalý jaǵdaıyna arnaıy taldaý jasap, eldegi osy baǵytta qalyptasqan jaǵdaıdy anyqtap, atalmysh múddeler men quqyqtar buzylǵan jaǵdaıda ony joıý joldaryn qarastyrý bolatyn. Osyǵan qaraı uıym ókilderi jyl boıyna áskerılerdiń quqyqtary men múddelerine baılanysty konferentsııalar men dóńgelek ústel otyrystary túrindegi jıyndar uıymdastyrǵan. Sondaı-aq eldegi birqatar áskerı bólimderde áskerı qyzmetshiler arasynda saýalnama júrgizip, halyqaralyq tájirıbeni zerttegen. Búgin tanystyrylymy ótken jınaq osy sharalardyń qorytyndysy boıynsha daıyndalyp otyr.