Astanada áskerge shaqyrylýshylardy saltanatty túrde shyǵaryp salý rásimi ótti

ASTANA. QazAqparat - Búgin, 2016 jyldyń 26 qazanynda Astana qalasy ákimdiginiń alańynda Qazaqstan Respýblıkasy Táýelsizdiginiń 25 jyldyǵyna arnalǵan «Qazaqstannyń ár azamatynyń boryshy - el qorǵaý!» atty saltanatty aktsııasy uıymdastyryldy, dep habarlaıdy QazAqparat Qorǵanys mınıstrliginiń baspasóz qyzmetine silteme jasap.

Atalmysh aktsııa aıasynda Qarýly Kúshter qataryna merzimdi qyzmet ótkerý úshin shaqyrylǵan 72 bozbalany shyǵaryp salý rásimi ótti.

Jastarǵa áskerı-patrıottyq tárbıe berý maqsatynda shaqyrylýshylardy saltanatty túrde shyǵaryp salýǵa oqý oryndarynyń (mektepterdiń, kolledjder men lıtseılerdiń) oqýshylary, áskerı-patrıottyq klýbtar men úıirmelerdiń tárbıelenýshileri, ata-analar men qala jastary shaqyryldy. Saltanatty is-sharaǵa 4 000-nan asa adam qatysty.

Qonaqtardyń nazaryna qurmet qaraýyly rotasynyń defılesi, sondaı-aq, kontserttik baǵdarlama kórsetildi.

Azamattardyń merzimdi áskerı qyzmetke shaqyrylýynyń kúzgi shaqyrylymy Qazaqstanda 1 qazanda bastalǵanyn esterińizge sala keteıik.

2016 jyldyń kúzinde Qazaqstan Respýblıkasynyń Qarýly Kúshterine, basqa da áskerleri men áskerı quralymdaryna 1989-1998 jyly týylǵan azamattar shaqyrylatyn bolady.