Astanada ashyq aspan astyndaǵy mýzeı jumysyn bastady
Ashyq aspan astynda ornalasqan «Atameken» Qazaqstan kartasy» etno-memorıaldyq kesheninde Astana, Almaty, Shymkent sekildi respýblıkalyq mańyzy bar qalalar men ózge de óńirler shaǵyn maketter arqyly kórsetilgen.
20 jyldan astam tarıhy bar mádenı orynnan elimizdegi kórnekti ǵımarattar men óńirlerdiń tabıǵatyn tamashalaýǵa bolady.
Keshen Mańǵystaý óńirinen bastalyp, Qyzylorda oblysynan aıaqtalady.
Elimizdegi 17 oblys, 3 qala jáne 49 kóldi tamashalaýǵa shamamen bir saǵattaı ýaqyt ketedi.
«Búgin «Januıa» otbasy ınstıtýyn qoldaý ortalyǵynan «Atameken» Qazaqstan kartasy» etno-memorıaldy keshenine ekskýrsııaǵa 100-den asa kópbalaly otbasy, áleýmettik az qamtylǵan otbasylar jáne múgedektigi bar balalar men ata-analar keldi. Olar elimizdiń sáýlet ónerimen, tarıhı jáne mádenı eskertkishterimen tanysty», - dedi «Astana qalasynyń Birlesken murajaılar basshysynyń mindetin atqarýshy Samat Tergembaev.
Ekskýrsovodtar qazaq, orys jáne aǵylshyn tilderinde málimet beredi.
Memorıaldyq keshen kún saıyn saǵat 9:00 – 18:00 aralyǵynda jumys isteıdi. Ár aptanyń dúısenbisi – demalys.