Astanada arendalyq baspana kezegine ǵalamtor arqyly tirkelýge bolady
Bul týraly búgin arendalyq baspana qurylysy baǵdarlamasynyń oryndalý barysyn qadaǵalaýshy qoǵamdyq keńesiniń otyrysynda Astana ákiminiń orynbasary Andreı Lýkın málim etti.
«Aımaqtardy damytý 2020 baǵdarlamasynyń jańashyldyqtarynyń birine erekshe toqtalǵym keledi. Bul - qujattardy ǵalamtor arqyly qabyldaý. Aqparattyq tehnologııalar ortalyǵymen birlesip, qala ákimdigi qujattardy ótinish berýshiniń elektrondy qoltańbasy arqyly qabyldaýdyń jańa platformasyn jasady. Atalǵan shara qujattardy qabyldaý ýaqytyn azaıtady jáne adamı faktordy alyp tastaıdy. Sebebi ótinishti qarastyrý kezinde qatysýshy týraly aqparattar avtomatty túrde memlekettik organdardyń aqparattyq júıelerinen alynyp otyrady», - dedi ol.
Onyń sózine qaraǵanda, mundaı tásil ashyqtyqty qamtamasyz etedi, sondaı-aq qatysýshylardyń qujat tapsyrý kezinde uzyn-sonar kezekke turýyn qajet etpeıdi.
Qazirgi ýaqytta Astana boıynsha 36 myńnan astam adam páter kezeginde tur. Lýkınniń aıtýynsha, bul el boıynsha eń joǵary kórsetkish.