Astanada aralas mektepterdiń sany artyp barady

NUR-SULTAN. QazAqparat – Nur-Sultanda keıingi jyldary aralas jáne qazaq tildi mektepterdiń sany artyp kele jatyr, dep habarlaıdy QazAqparat tilshisi.

Qalalyq bilim basqarmasy QazAqparat agenttiginiń resmı saýalyna bergen jaýabynda elordada jalpy bilim beretin 129 mektep baryn habardar etti. Onyń ishinde (94 memlekettik - qazaq tilinde oqytatyn 32, orys tilinde 6 jáne qazaq jáne orys tilderinde – 56), 31 jeke menshik, 4 respýblıkalyq (bir respýblıkalyq fızıka-matematıka mektebi jáne úsh Nazarbaev zııatkerlik mektebi) mektep bar.

Vedomstvo óz jaýabynda elordada keıingi kezde qazaq, orys jáne aralas mektepterdiń qaısysy artyp, qaısysy kemip bara jatqanyn habarlaǵan.

Basqarmanyń málimetinshe, jańa mektepterdi ashý kezinde onyń oqytý tili sol mektep mańyndaǵy turǵyndardyń talabyn eskere otyryp anyqtalady. Keıingi jyldary ashylǵan mektepterdiń basym kópshiligi 2 tilde oqytady. Sondaı-aq qazaq tilindegi bilim ordalary da jıi ashylyp jatyr.

«Bıyl birinshi synypqa 21 007 bala qabyldandy, onyń ishinde qazaq synyptaryna - 10 806, orys synyptaryna – 10 128», - dep habarlaıdy basqarmadan.