Astanada «AqJaima» qaıyrymdylyq fotokórmesi ótip jatyr

ASTANA. QazAqparat – 13-21 mamyr aralyǵynda «Kerýen» saýda, oıyn-saýyq ortalyǵynda Rotary Club Astana qoldaýymen fotograf Ospan Álıdiń «AqJaima» avtorlyq kórmesi ótip jatyr, dep habarlaıdy QazAqparat tilshisi.

«AqJaima» fotokórmesi ómiriniń sońǵy ýaqyttaryn ótkizip jatqan naýqastar emdeletin medıtsınalyq uıymnyń kúndelikti ómirinen syr shertedi. Sonymen qatar mekemede qyzmet etetin sanıtarlar, medbıkeler men dárigerlerdiń qajyrly eńbegi sýrettelgen.

«Aqjaıma - jeke ómirimizdiń kópshilikke kórinbeıtin bóligi, shynaıy emotsııalarymyz ben sezimimizdi saqtaıtyn nárse. Ártúrli daqtar men ıisterge malynǵan hospıs (ómiriniń sońǵy ýaqyttaryn ótkizip jatqan naýqastar ornalasatyrylatyn medıtsınalyq uıym - avtor) aqjaımalaryn kórgende, men adamdardyń taǵdyryn sezindim, ómir súrgisi keletin adamdardyń taǵdyryn kórdim», - dep bólisti Ospan Álı.

Fotokórmege kelýshiler Rotary Club Astana uıymynyń shotyna aqsha aýdarý arqyly, hospıske qoldaý kórsete alady.

Aıta keteıik, fotograf Ospan Álı URKER-2019 syılyǵynyń jeńimpazy, «Men – qazaq dalasynyń qyzymyn» fotokórmesiniń jáne basqa da ekspozıtsııalardyń avtory. Onyń fotojumystary BUU-daǵy (Jeneva) «Qazaqstan - Uly Dala Eli», «Shveıtsarııa mınıatıýrada» (Shveıtsarııa), Carrousel du Louvre (Parıj) galereıasyndaǵy «Qazaqstan sulýlyǵy» jáne ózge de qazaqstandyq jáne halyqaralyq fotokórmelerge qoıylǵan.