Astanada apta saıyn ótetin aýyl sharýashylyǵy ónimderiniń jármeńkesi bastaldy

ASTANA. QazAqparat – Astanaǵa óńirlerden keletin taýar óndirýshilerdiń aýyl sharýashylyǵy ónimderi jármeńkeleriniń maýsymy bastaldy. Olar 29 qazanǵa deıin ár senbi men jeksenbi kúnderi ótedi, dep habarlaıdy QazAqparat elorda ákimdiginiń resmı saıtyna silteme jasap.

Elordada alǵash bolyp Túrkistan oblysynyń agrarshylary óz ónimderin usyndy. Jármeńkege 70-ke jýyq aýyl sharýashylyǵy óndirýshisi keldi, olar 556 tonna ónim ákeldi.

Aıta keterligi, jármeńkede et jáne et ónimderi, kókónister, jemister, sút ónimderi (onyń ishinde qymyz jáne shubat), baqsha, bal, jemis shyryndary men konservilengen ónimder, balyq, jumyrtqa jáne nan-toqash ónimderi usynylady.

Barlyq ónimder naryqtyq baǵadan tómen baǵamen satylady.

Bıyl aýyl sharýashylyǵy jármeńkesin ótkizý orny ózgerdi. Byltyr ol «Astana-Arena» (Turan dańǵyly, 48) aldyndaǵy avtoturaqta ótkizilse, bıyl jármeńkeni ótkizý orny Táýelsizdik dańǵyly, 50 mekenjaıyndaǵy QazUÓÝ (Shabyt) aldyndaǵy alańǵa kóshirildi.