Astanada apatty úılerden jyl saıyn 300-den astam otbasy kóshiriletin bolady
«Ótken jyldyń qıyndyqtaryna qaramastan, kóptegen jumystar atqaryldy. Jumys áli de kóp. Partııanyń 2021-2025 jyldarǵa arnalǵan saılaýaldy baǵdarlamasynyń negizine 13 negizgi basym baǵyt alyndy. Mysaly, 2021-2025 jyldar aralyǵynda jyl saıyn 10 myńǵa jýyq jeńildikti áleýmettik páter salý jáne berý, 125 turǵyn úı keshenin jáne 150 lıftini jóndeý, 300-den astam otbasyn apatty úılerden qaýipsiz jańa turǵyn úı keshenderine kóshirý josparlanyp otyr.
Budan basqa, 5 jyl ishinde 50 memlekettik mektep salynady, orta jáne joǵary bilim alý úshin granttar sany josparly túrde ulǵaıtylady. «Qadamdyq qoljetimdilik» qaǵıdaty boıynsha taǵy 30 «úı janyndaǵy dáriger» nysany ashylady, taǵy 5 iri medıtsınalyq mekeme salynady», - dedi A.Kólginov.
Sondaı-aq qala basshysynyń aıtýynsha, aldaǵy jyldarda 130 km sýmen jabdyqtaý jáne sý burý jelileri, 85 km nóser kárizi, qosalqy stantsııa jáne 177 km elektrmen jabdyqtaý jelileri, 23 km jylýmen jabdyqtaý jelileri, 3 keshen nóser kárizderin tazartý qurylystary salynady. Sondaı-aq, 6 mektep, birqatar medıtsınalyq ortalyq, 4 dene shynyqtyrý-saýyqtyrý kesheni, 50 saıabaq pen skver qurylady, 123 km velosıped joldary tóseledi.