Astanada apatty baspana turǵyndaryna arnalǵan alǵashqy úı paıdalanýǵa berildi
«Búginde biz «Qoljetimdi baspana - 2020» memlekettik baǵdarlamasy boıynsha taǵy bir jobanyń iske asyp jatqanyna kýá bolyp jatyrmyz. Astanada alǵash ret qolǵa alynǵan apatty baspanany buzý jobasy aıasynda birinshi turǵyn úı salynyp, paıdalanýǵa berilip otyr. Bes qabatty úıde 90 páter bar. Onyń jaly kólemi - 3,6 myń sharshy metr», - deıdi T.Qoıshybaev.
Aıta keteıik, jaqynda ótken Úkimet otyrysynda Astana qalasy ákiminiń birinshi orynbasary Sergeı Horoshýn aǵymdaǵy jyldyń sońynda apatty jaǵdaıda turǵan 11 úıdiń turǵyndary jańa baspanaǵa kiredi dep málimdegen bolatyn. «Dál qazir elordada 6 turǵyn úı salynyp jatyr. Onda barlyǵy 1,5 myń páter bar. Aǵymdaǵy jyly biz 4 nysandy paıdalanýǵa berýdi kózdep otyrmyz. Sóıtip, 15 jeltoqsanǵa deıin apatty jaǵdaıda turǵan 11 kóppáterli úıdiń turǵyndary jańa baspanaǵa kóshiriletin bolady», - dep atap kórsetti S.Horoshýn. Onyń aıtýynsha, búginde taǵy 5,5 myń páteri bar 5 jańa turǵyn úıdiń jobalyq-smetalyq qujattary ázirlenip jatyr.