Astanada AÓSShK elderi volonterlik qozǵalystary jetekshileriniń jıynyn ótkizý usynyldy

ASTANA. QazAqparat – AÓSShK-ge múshe memleketter jetekshi ýnıversıtetteriniń seriktestik jelisin qurý úlken perspektıvalar men múmkindikter ashady. Bul týraly Astanada ótip jatqan Azııadaǵy ózara is-qımyl jáne senim sharalary keńesiniń sammıtinde Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Ekonomıkalyq is-sharalar adamı ólshemge, adam resýrstaryn saqtaýǵa jáne damytýǵa baǵyttalǵan jaǵdaıda ǵana tıimdi dep sanaýǵa bolady. Bıylǵy shilde aıynda Astanada Jastar keńesi otyrysynyń sátti ótýi osy baǵyttaǵy yntymaqtastyqtyń zor bolashaǵyn kórsetedi. Osyǵan baılanysty 2024 jyly Astanada Jastar keńesiniń muryndyq bolýymen AÓSShK elderi volonterlik qozǵalystary kóshbasshylaryń sletin ótkizýdi usynamyn», - dedi Qasym-Jomart Toqaev.

Sonymen qatar, Prezıdent AÓSShK-ge múshe memleketterdiń jetekshi ýnıversıtetteriniń seriktestik jelisin qurý úlken perspektıvalar men múmkindikter ashatynyn atap ótti. Bul jeli arqyly IT, nanotehnologııa jáne jańartylatyn energııa kózderi salasyndaǵy tyń bastamalar boıynsha tájirıbe almasýǵa bolady.

«Qazaqstan AÓSShK-ni odan ári damytýǵa nıetti. Keńestiń biregeı formaty men geografııasyn eskere otyryp, onyń perspektıvalary men bolashaǵy zor ekenine senimdimin. Forým qatysýshylarynyń jumysyna tabys, ortaq uıymymyzdy nyǵaıtý jolynda jańa jetistikter tileımin», - dedi Memleket basshysy.