Astanada anasyna bylapyt sóılegen jigit 6 jylǵa sottaldy

<p>ASTANA. KAZINFORM &ndash; Astanada anasyna bylapyt sóz aıtyp, kámeletke tolmaǵan jasóspirimge pyshaq ala júgirgen turǵynǵa jaza taǵaıyndaldy.</p>

Astana qalasynyń qylmystyq ister jónindegi aýdanaralyq soty densaýlyqqa zııan keltirý úshin arnaıy laıyqtalǵan zatty paıdalana otyryp kúsh qoldaný arqyly buzaqylyq jasaǵany úshin (QK 293-babynyń 3-bóligi) S.-ǵa qatysty isti qarady.

Sottalýshy S., óz úıiniń aýlasynda, alkogoldik masań kúıinde anasynan aqsha suraǵan, anasy óz kezeginde aqsha joq dep bas tartqan.

S., qoǵamdyq tártipti buzyp, buzaqylyq nıetpen bylapyt sóılep, jaqyn jerde turǵan oryndyqty podezge qaraı laqtyryp jibergen.

Osy kezde kámeletke tolmaǵan jábirlenýshi Á. podezden shyǵyp, eskertý jasaǵan.

S., jaýap retinde shalbarynyń qaltasynan pyshaǵyn sýyryp alyp, jábirlenýshiniń dene aımaǵynan úsh ret uryp, densaýlyǵyna jeńil zııan keltirgen.

Sottalýshynyń kinási óziniń, jábirlenýshiniń, jábirlenýshiniń zańdy ókiliniń, kýálerdiń aıǵaqtarymen, sot-medıtsınalyq saraptamasynyń qorytyndysymen, sondaı-aq beınebaqylaý kamerasynyń jazbalarymen dáleldengen. 

Prokýror burynǵy sottylyǵyn eskere otyryp, QK 60-babynyń negizinde 6 jyl 2 aı merzimge bas bostandyǵynan aıyrý jazasyn taǵaıyndaýdy surady.

Qorǵaýshy tarap jábirlenýshige dene jaraqatyn keltirý faktisin joqqa shyǵarmaı, kinásin ishinara moıyndady, biraq is-áreketterin QK-niń 293-baby boıynsha saralaýmen kelispeı, áreketin QK-niń 108-1-babymen qaıta saralaýdy surady.

Jábirlenýshiniń zańdy ókili bas bostandyǵynan aıyrýdyń eń joǵary jazasyn taǵaıyndaýdy surady. QK 293-baby 3-bóliginiń sanktsııasy 5 jyldan 7 jylǵa deıingi merzimge bas bostandyǵynan aıyrý túrindegi jazany kózdeıdi.

Jaza taǵaıyndaý barysynda sot jeńildetetin mán-jaı dep, kináni ishinara moıyndaýyn eskerdi.

Sottalýshynyń alkogoldik masań kúıde bolǵany jáne ótelmegen sottylyǵy bar bolǵandyqtan qylmystyń qaýipti qaıtalanýy aýyrlatatyn mán-jaılar retinde qaraldy.

Kámeletke tolmaǵan jábirlenýshige qatysty jasalǵan qylmystyń aýyrlyǵyn, jaýaptylyqty jeńildetetin jáne aýyrlatatyn mán-jaılardyń bolýyn eskere otyryp, sot 6 jyl merzimge bas bostandyǵynan aıyrý jazasyn taǵaıyndady.

Sottalýshynyń ótelmegen sottylyǵyn eskere otyryp, QK 60-babynyń negizinde túpkilikti 6 jyl 2 aı merzimge bas bostandyǵynan aıyrý jazasy taǵaıyndalyp, qylmystyń qaýipti qaıtalanýy bar dep tanyldy.

Moraldyq zııannyń ornyn toltyrý retinde 1 mln. teńge óndirildi.

Úkim zańdy kúshine engen joq.

Jetim jigit Astanadaǵy sheneýniktermen sottasyp, jeńiske jetkenin jazǵan bolatynbyz.