Astanada alty jeke sot oryndaýshysy jaýapkershilikke tartyldy

<p>ASTANA. KAZINFORM &ndash; Astana qalasy boıynsha Sot ákimshiligi departamentinde 2023 jyly atqarylǵan jumystar týraly aıtyldy, dep habarlaıdy elorda ákimdiginiń resmı saıty.</p>

Máselen, Departamenttiń hattary negizinde 6 jeke sot oryndaýshysy tártiptik jaýapkershilikke tartyldy, ekeýine qatysty lıtsenzııany toqtata turýǵa usynystar jiberildi, beseýine qatysty tártiptik komıssııa taǵaıyndaldy.

Foto:Astana qalasynyń ákimdigi

Onyń ishinde vedomstvoda azamattardyń ótinishteri men shaǵymdary qaraldy. 2023 jyly qala sottary mamandarynyń is-áreketterine 34 (ótken jyly 41) ótinish kelip tústi, onyń ishinde 4-i óz rastaýyn tapty, bul 2022 jylmen salystyrǵanda 7 ótinishke nemese 17 paıyzǵa az.

Aıta ketý kerek, Sot ákimshiligi departamentine «Sot kabıneti» servısimen jumys qorytyndysy shyǵaryldy. Osylaısha, barlyǵy 29 myńnan asa talap-aryz kelip tústi, olardyń ishinde 79% elektrondy túrde berildi.

Іshki ister organdary (ákimshilik polıtsııa) «Sot kabıneti» servısi arqyly 16 myńnan asa ákimshilik materıal jiberdi, bul 29,6% quraıdy.