Astanada alǵashqy ashyq úlgidegi kedendik qoımalar ashyldy
Atalǵan qoımalar 3 jylǵa deıingi merzimde kedendik bajdar men salyqtardy tóleýsiz jáne tarıftik emes retteý sharalaryn qoldanýsyz kompanııalar men jeke tulǵalardyń shetelden ákelingen kez kelgen taýarynyń kedendik baqylaýda saqtalýyna múmkindik beredi. Kedendik qoımanyń kedendik rásimine ornalastyrýdyń tómendegi erekshelikterine baılanysty shetelden ákelingen júkti kedendik resimdeý jáne saqtaý shyǵyndaryn ońtaılandyrýdy qajet etetin tulǵalarǵa qolaıly bolyp tabylady: búkil taýarǵa nemese onyń bir bóligine qatysty ony ıelený, paıdalaný jáne (nemese) bılik etý quqyqtaryn berý kózdeletin mámileler jasaýǵa bolady; taýarlardy tolyqtaı nemese ishinara basqa da rásimge ornalastyrýǵa bolady; budan buryn basqa kedendik rásimge ornalastyrylǵan taýarlardy ornalastyrýǵa bolady; Qazaqstan Respýblıkasynyń jáne Keden odaǵynyń qoldanystaǵy keden zańnamasynda qarastyrylǵan jaǵdaıda keden aýmaǵynda ýaqytsha ákelý nemese qaıta óńdeý kedendik rásimderiniń qoldanylýyn toqtata turý maqsatynda sheteldik taýarlardy ornalastyrýǵa bolady; Keden organynyń jazbasha ruqsaty bar bolǵan jaǵdaıda kólemi iri bolýynan kedendik qoımada ornalastyrýǵa kelmeıtin taýarlardy naqty túrde ornalastyrýsyz kedendik qoımanyń kedendik rásimine ornalastyrýǵa jol beriledi; eksport kedendik rásimine ornalastyrylǵan Keden odaǵynyń taýarlaryn alty aı ishinde kedendik qoımada saqtaýǵa jol beriledi. Sonymen birge termınaldyń ornalasý ornynyń úlken artyqshylyǵy bar, aýdany 8 ga tolyqtaı asfalt tóselgen aýmaq Astana temirjol stansasynyń suryptaý parkine janasyp, Almaty-Ekaterınbýrg avtojolyna shyǵý úshin eń qysqa asfalt tóselgen joly bar. Sonymen qatar termınal aýmaǵynda ýaqytsha saqtaý qoımalary jáne túrli úlgidegi qoımalyq orynjaılar - jyly qoımalar, tońazytqyshtar bar jáne «bir tereze» qaǵıdaty boıynsha logıstıkalyq qyzmetterdiń tolyq kesheni kórsetiledi. «Qazqurylysjúıesi» AQ-tyń qoımalary klıentterdiń taýarlary men kólik quraldarynyń tolyqqandy saqtalýyna kepildik beretin jáne 24/7 rejiminde jumys isteıtin eń jańa IP-beınebaqylaý júıesimen jabdyqtalǵanyn atap ótý qajet.