Astanada alǵash ret jyrshy-termeshilerdiń halyqaralyq festıvali ótti

ASTANA. QazAqparat – Astanada Jyrshy-termeshilerdiń halyqaralyq festıvali ótti. Oǵan Qazaqstan, Ózbekstan jáne Qyrǵyz elinen jyrshy-jyraýlar qatysty. QazAqparat bul týraly Qazaqstan Respýblıkasy Mádenıet jáne sport mınıstrliginiń baspasóz qyzmetine silteme jasap habarlaıdy.

Festıvalge qatysqan Qazaqstannyń eńbek sińirgen qaıratkerleri: Almas Almatov, Aıgúl Qosanova, Elmura Jańabergenova, mádenıet qaıratkeri Erbolat Shaldybekov, mádenıet salasynyń úzdikteri: Elikbaı Isa, Farhat Orazov, Qaırat Kákimov, halyq jyrshysy Jánibek Pııazov, Toǵaev Bahshıkýl (Ózbekstan Respýblıkasy), Qyrǵyzstan Respýblıkasynyń eńbek sińgen artısi Sydykov Dóólótbek jáne taǵy da basqa óner maıtalmandary tanymal jyr, terme, tolǵaý, dastandardy oryndady.

«Jyraýlyq, jyrshylyq óner – halqymyzdyń myńjyldyq mádenı murasy. Festıvaldi uıymdastyrýdaǵy basty maqsat - atadan balaǵa mıras bolyp jetken ulttyq ónerdi dáripteý, baýyrlas túrki halyqtarymen mádenı yntymaqtastyqty nyǵaıtý bolyp tabylady. Mádenıet jáne sport mınıstrligi jastardy jyraýlyq ónerge baýlyp, onymen ǵylymı turǵyda aınalysýy úshin barlyq múmkindikterdi jasaıtyn bolady», - dedi Mádenıet jáne sport vıtse-mınıstri Nurǵısa Dáýeshov.