Astanada alǵash ret jol jáne qala sharýashylyǵynyń kórmesi ótedi

ASTANA. 16 qarasha. QazAqparat - Astanada 27-28 qarashada «KazTraffic -2013» kólik kesheniniń, sondaı-aq jol jáne qala sharýashylyǵynyń keń aýqymdy kórsetilimi ótedi. Bul týraly astana.kz saıtyna «Kórme» ortalyǵynyń baspasóz qyzmetinen habarlady.

Kórme ekspozıtsııasy men iskerlik baǵdarlama is-sharalarynyń aıasynda basshylar men mamandar bolashaqta Qazaqstan Respýblıkasynyń qala sharýashylyǵy kesheni men jol ınfraqurylymy jumysyn uıymdastyrý men basqarýdy odan ári jetildirýdiń negizine aınalýy tıis ǵylymı, uıymdastyrýshylyq jáne tehnıkalyq jobalarmen tanysady. «KazTraffic -2013» kórmesi - Qazaqstan Respýblıkasyndaǵy joldarda qaýipsizdikti qamtamasyz etýdiń, zamanaýı halyqaralyq logıstıka tehnologııalarynyń, aqyly joldardyń jáne halyqaralyq kólik dálizderiniń tıimdi jumysynyń tuńǵysh keń aýqymdy kórsetilimi bolyp tabylady. Kórmeniń taqyryptyq bólimderi men is-sharalardyń jeke máseleleri alǵash ret kópshiliktiń nazaryna usynylady, sonymen qatar, iskerlik baǵdarlama aıasynda talqylanady. «KazTraffic - 2013» kórmesi Qazaqstan Respýblıkasynda jol jáne qala sharýashylyǵyn jáne onyń ınfraqurylymyn uıymdastyrý men basqarý, jol qozǵalysy qaýipsizdigin, jol mańynda qazirgi zamanǵa saı qyzmet kórsetý jáne ony uıymdastyrýdy qamtamasyz etý jónindegi jetekshi kórme-aqparattyq sharaǵa aınalmaq.