Astanada alǵash ret «Romeo men Djýletta» mıýzıkli qazaq tilinde sahnalanady
Bul týraly «Romeo men Djýletta» mıýzıklin qoıýshy rejısser, Qazaqstan Respýblıkasynyń eńbek sińirgen qaıratkeri Ashat Maemırov Ortalyq kommýnıkatsııalar qyzmetinde ótken baspasóz máslıhatynda habarlady.
«Osydan bir jyl buryn Qazaqkontsert memlekettik kontsert uıymynyń janynan Astana mıýzıkl teatry qurylǵan bolatyn. Sol teatrda qazirgi ýaqytta 60-qa jýyq jastar eńbek etýde. EKSPO sheńberinde elimizdiń tarıhynda tuńǵysh ret Romeo Djýletta mıýzıkli sahanalanyp otyr. Bul - bizdiń mádenı ómirimizdegi eleýli oqıǵanyń biri, sebebi, Romeo Djýletta mıýzıkli eki aktiden turady, mıýzıkldiń barlyq zańdylyqtaryna jaýap beretin jáne qazaq tiline óte sátti aýdarylǵan birden bir shyǵarma», - dedi Ashat Maemırov.
Romeo Djýletta oqıǵasyn barshaǵa tanys. Jerar Presgýrvık Ataqty Shekspırdiń tragedııasynyń sıýjetin negizge ala otyryp, lıberettosyn da, mýzykasyn da ózi jazyp shyqqan jáne frantsýz sahnasynda 2001 jyly qoıylǵan «Romeo men Djýletta» mıýzıkli arqyly Jerar Presgýrvıktiń esimi álemge tanyldy. Az ǵana ýaqyt ishinde mıýzıkl álemdik bestsellerge aınalyp, frantsýz, golland, orys, aǵylshyn, nemis, ıtalıan, venger, káris, japon, ıspan, ıvrıt tilderinde qoıyldy. Endi, mine, «Romeo men Djýletta» mıýzıkliniń keıipkerleri alǵash ret qazaq tilinde ún qatady.
Óz kezeginde, Jerar Presgýrvık Qazaqstanǵa alǵash ret kelip otyrǵanyn jetkizdi jáne óz týyndysynyń qazaqstandyq nusqasyn joǵary baǵalady.
«Álemniń túpkir-túpkirindegi barlyq kórermender biz úshin birdeı. Bizdiń kórinisti túsinetinder bizdi de túsinedi. Trýppa týraly óte ǵajap dep aıta alamyn. Spektakldi kórgende qatty qýandym, qazaqstandyq áriptester barlyǵyn joǵary deńgeıde jasaǵan. Mádenıet mınıstrliginiń jaýapkershilikti moıyndaryna alyp, mundaı mıýzıkldi jasaýy óte sırek kezdesetin qubylys», - dedi ol.
Atap ótken jón, mıýzıkldy QR Mádenıet jáne sport mınıstrligi qarjylandyrǵan jáne qazaq tiline belgili aqyn, Memlekettik syılyqtyń laýreaty Gúlnar Salyqbaı aýdarǵan. Onyń qazaqstandyq tusaýkeseri 21 maýsym kúni Beıbitshilik jáne kelisim saraıynda ótedi jáne 4 shildege deıin jalǵasady.