Astanada áleýmettik nysandardyń 90 paıyzy jylytý maýsymyna daıyn

ASTANA. QazAqparat - Búgin Astanada ortalyqtandyrylǵan jylýmen jabdyqtaý júıesine qosylǵan 2455 áleýmettik nysannyń 2335-i nemese 90,5% jylytý maýsymyna daıyn. Atap aıtqanda, 2146 turǵyn úı, 28 densaýlyq saqtaý, 152 bilim nysany jáne 9 mádenıet mekemesi.

Astana qalasy energetıka basqarmasynyń habarlaýynsha, 2016-2017 jj. jylytý maýsymy bastalǵansha energokeshen tolyqtaı daıyndyq tólqujatyn alady, al basqa áleýmettik nysandar men turǵyn úıler 100% daıyn bolady.

Aldaǵy jylytý maýsymyna daıyndyq pen energokeshendi tehnıkalyq aqaýsyz jaǵdaıda saqtaý aıasynda «Astanaenergoservıs» AQ kúrdeli jóndeý jumystaryn qolǵa aldy.

«Astana-Energo» AQ basty jáne qosalqy jabdyqtaryn jóndeý bekitilgen kestege saı júrgizilip jatyr. Qazirgi kezde JEO-1 - 85%, JEO-2 - 73%, al aýdandyq qazandyqtar 88% daıyn.

«Astana-Teplotranzıt» AQ kúrdeli jóndeý baǵdarlamasy boıynsha 1,15 km magıstraldi jeli qaıta jóndeldi. Qazirgi kezde uzyndyǵy 1,432 km taratý jelisin kúrdeli jóndeý jáne 3 698 sharshy metrlik qubyrdyń jylý oqshaýlaǵyshy qalpyna keltirildi.

Sonymen qatar, «Astana-REK» AQ-da 110 kV-tyq áýe jelisin kúrdeli jóndeý, 10 kV-tyq jáne 0,4 kV-tyq áýe jelileri men jabdyqtardy qalpyna keltirý jumystary júrgizilýde, dep habarlaıdy elorda ákimdiginiń baspasóz qyzmetinen.