Astanada áleýmettik nan baǵasy 95 teńge kóleminde saqtalady

ASTANA. QazAqparat – Astana qalasy Investıtsııalar jáne kásipkerlikti damytý basqarmasy basshysynyń orynbasary Maqsat Jańabaevtyń aıtýynsha, elordadaǵy áleýmettik nan baǵasy jyl boıy 95 teńge kóleminde saqtalady, dep habarlaıdy QazAqparat tilshisi.

«Shynymen de astyq baǵasy túsip jatqanyn kórip otyrmyz. Sondyqtan qalany áleýmettik mańyzy bar nanmen qamtamasyz etý úshin iri un óndiretin kompanııamen kelisim jasadyq. Sonyń aıasynda álgi kompanııa bizge 5 myń tonna un bóledi», - dedi basqarmanyń basshysy Óńirlik kommýnakatsııalar ortalyǵynda ótken brıfıngide.

Aıtýynsha, bul kelisim qaladaǵy áleýmettik nan baǵasyn 95 teńgeden asyrmaı ustaýǵa múmkindik beredi.

«Bizdiń nan óndirýshiler osy unnan jyl boıy dúken sórelerindegi baǵasy 95 teńge bolatyn nan óndire alady. Un óndiretin kompanııa nan óndirýshilerge undy tikeleı jetkizip turady», - dedi ákimdik ókili.