Astanada «Alem Saz» halyqaralyq mýzyka festıvali ótedi

ASTANA. QazAqparat – Qazaqstan astanasynda 7-16 qarashada «QAZAQSTAN» ortalyq kontsert zalynda «Alem Saz» halyqaralyq mýzykalyq festıvali ótedi, dep habarlaıdy QazAqparat Roza Baǵlanova atyndaǵy «Qazaqkontsert» memlekettik kontsert uıymynyń baspasóz qyzmetine silteme jasap.

«ALEM SAZ» – kóptegen eldiń mádenıetin ártisterdiń keremet shyǵarmashylyq yntymaqtastyǵy arqyly bir platformada biriktiretin halyqaralyq festıval. Joba Qazaqstan men álemniń 76 eli arasyndaǵy dıplomatııalyq qatynastardyń 30 jyldyǵyna, Azııadaǵy ózara is-qımyl jáne senim sharalary jónindegi keńestiń qurylǵanyna 30 jyl tolýyna oraı jáne qazaq halqynyń ańyzǵa aınalǵan ánshisi jáne Qazaqstan men KSRO-nyń eńbek sińirgen ártisi Roza Baǵlanovanyń 100 jyldyǵyn merekeleý aıasynda uıymdastyryldy.

«ALEM SAZ» halyqaralyq festıvali birlikke, ulttyq mádenıetti saqtaý jáne damytý, tarıhı muraǵa jáne mádenıetke qurmet atmosferasyn qalyptastyrýǵa, shyǵarmashylyq úderistegi álemniń túrli elderiniń qundylyqtaryn saqtaýǵa baǵyttalǵan.

Festıval barysynda sheteldik ártisterdiń qoıylymdary, qatysýshy elderdiń fılmderi kórsetiledi, sándik-qoldanbaly óner men gastronomııalyq ónimderdiń kórmeleri usynylady, sheberlik sabaqtary ótedi.

Іs-sharany Qazaqstan Respýblıkasynyń Mádenıet jáne sport, Syrtqy ister, Aqparat jáne áleýmettik damý mınıstrlikteriniń, sondaı-aq QR-daǵy sheteldik dıplomatııalyq ókildikterdiń, Astana qalasynyń ákimdiginiń qoldaýymen Roza Baǵlanova atyndaǵy «Qazaqkontsert» memlekettik kontserttik uıymy uıymdastyryp otyr.

Foto: mtsprout.nl