Astanada «Aqparattyq Qazaqstan-2020» memlekettik baǵarlamasynyń qoǵamdyq tyńdaýlary ótedi

ASTANA. 5 qazan. QazAqparat - Búgin Astanadaǵy  «Rixos» meıramhanasynda «Aqparattyq Qazaqstan-2020» memlekettik baǵdarlamasynyń qoǵamdyq tyńdaýlary ótedi, dep habarlady QR kólik jáne kommýnıkatsııalar mınıstrliginiń baspasóz qyzmeti.

Baǵdarlamany Memleket basshysynyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» maqalasynda aıtylǵan tapsyrmalary aýqymynda QR Kólik jáne kommýnıkatsııa mınıstrligi memleketttik organdarmen jáne sarapshylarmen birlese otyryp jasady. Baǵdarlamanyń negizgi maqsaty - Qazaqstannyń aqparattyq qoǵamǵa ótýin qamtamasyz etetin jaǵdaılar týǵyzý.

Qoǵamdyq tyńdaýlarda otandyq aqparattyq keńistiktiń damýy, ulttyq bilim jelisin qurý, elektrndyq úkimetti damytý, otandyq BAQ-ty jańartý jáne basqa da ózekti máseleler talqylanady. Sondaı-aq otandyq aqparattyq kommýnıkatsııalyq tehnologııalar naryǵy kásiporyndaryn yntalandyrý, memlekettik qoldaý sharalary, ǵylymı-zertteý ortalyqtary men zerthanalaryn ashý, AT-parkter jáne bıznes-ınkýbatorlar qurý máseleleri keleli áńgime bolady.

Uıymdastyrýshylar - QR Kólik jáne kommýnıkatsııa mınıstrligi men QR Mádenıet jáne aqparat mınıstrligi.

Sharaǵa memlekettik organdardyń, «Atameken» Ulttyq ekonomıkalyq palatasynyń, Qazaqstandyq AT-kompanııalar qaýymdastyǵynyń Qazaqstannyń ınternet qaýymdastyǵynyń, Qazaqstandyq Internetter jáne resýrstardy damytý qaýymdastyǵynyń, Azamattyq Alıanstyń, «Samuryq-Qazyna» UÁQ» AQ-nyń, «QTJ» UK» AQ-nyń jáne basqa da ulttyq holdıngiler men kompanııalardyń ókilderi qatysady.