Astanada aqmolalyq taýar óndirýshilerdiń «AQMOL» saýda úıi ashyldy

  KÓKShETAÝ.QazAqparat - Astana qalasynda aqmolalyq taýar óndirýshilerdiń azyq-túlik ónimderin satatyn  «AQMOL» saýda úıi ashyldy, dep habarlaıdy QazAqparat tilshisi.

Saýda úıi Rahymjan Qoshqarbaev dańǵyly, 37 mekenjaıynda ornalasqan. Saýda úıiniń ashylý rəsimine Aqmola oblysynyń ákimi Məlik Myrzalın, oblys pen Astana turǵyndary qatysty.
 

Memleket basshysynyń tapsyrmalaryn júzege asyrý aıasynda Astana qalasynyń mańyndaǵy azyq-túlik beldeýin ary qaraı damytý boıynsha Aqmola oblysy Astanada jańa saýda núktelerin ashý jolymen óńirdiń taýaróndirýshileriniń ónimderine qol jetkizýdi jaqsartýdy kózdep otyr.
 

"Aqmolalyq taýar óndirýshilerdiń ózindik saýda jelisin qurýy ónim ótkizý máselelerin sheshýge kómektesedi, sonymen qatar deldaldarsyz tómen baǵa boıynsha sapaly azyq-túlik taýarlaryn alýǵa múmkindik beredi. Jobany júzege asyrý barysynda 1-kezeńde 3 dúken ashýdy kózdep otyrmyz", - dedi Məlik Myrzalın.
 

Sonymen qatar, aımaq basshysy Astana qalasynda 2 kezeńde dúkender jelisin 10 saýda núktelerine deıin keńeıtiletinin,  Aqmola oblysy taýar óndirýshilerdiń kóterme saýda ortalyǵyn ashý josparlanyp otyrǵanyn atap ótti.

Bastapqy kezeńde quryltaıshy quramyna óńirimizdiń on iri taýaróndirýshileri kirdi. Bul kókónis, sýt jáne et ónimderin, ósimdik maılaryn jáne belgili brendtegi ónimder shyǵaratyn JShS «Agrofırma «Rodına», PK «Ijevskıı», «Astana Agro Prodýkt», «CAPITAL PROJECTS LTD», «Gormolzavod»,  «Aına» saýda úıi» jáne basqa da kásiporyndary. Aldaǵy ýaqytta taýaróndirýshilerdiń tizimi jáne taýar assortımenti keńeıe túspek.