Astanada Ákeler kúni atalyp ótti

ASTANA. QazAqparat – Búgin Astanada elimizde alǵash ret belgilengen Ákeler kúnine oraı «Áke – otbasynyń tiregi» atty merekelik baǵdarlama ótti, dep habarlaıdy QazAqparat Aqparat jáne qoǵamdyq damý mınıstrligine silteme jasap.

Ákeler kúniniń negizgi maqsaty – dástúrli otbasylyq qundylyqtardy ilgeriletý, men «yntaly ata-ana bolý» ıdeıasyn nasıhattaý.

«Otan - otbasynan bastalady. Al otbasynyń tiregi, otaǵasy men qara shańyraqtyń ıesi – ákeler ekeni belgili. Búgin osy jerge ómirdiń kóptegen qıyndyqtaryna tótep berip, jurtqa pana bolǵan qadirli de qurmetti ákeleremiz kelip otyr. Barsha jınalǵan ákeler qaýymyn shyn júrekten búgingi merekemen quttyqtaımyn!» - dedi Aqparat jáne qoǵamdyq damý mınıstri Darhan Qydyráli.

Іs-shara aıasynda ákeler kúnine oraı áleýmettik jobalar jármeńkesi, merekelik kontsert jáne balalar shyǵarmashylyǵy kórmesi uıymdastyryldy.

Sonymen qatar, respýblıka el boıynsha Ákeler kúnine oraılastyrylǵan is-sharalar uıymdastyryldy. Saraptamalyq alańdar, dóńgelek ústelder, kóp balaly ákelerdiń qatysýymen otbasylyq jarystar ótti.

Aıta ketsek, endi elimizde Analar jáne Ákeler kúni merekesi bólek-bólek atalyp ótedi. Analar kúni – mamyrdyń ekinshi jeksenbisinde, al Ákeler kúni maýsymnyń úshinshi jeksenbisinde merekelenedi.