Astanada Agroqalashyq eldi mekeniniń taǵy bir bóligi gazǵa qosyldy

NUR-SULTAN. QazAqparat - Elordalyq Agroqalashyq eldi mekeniniń taǵy bir bóligi gazǵa qosý múmkindigine ıe boldy. Endi ol úshin «QazTransGaz Aımaq» AQ-ǵa tıisti ótinim berý qajet, dep habarlaıdy QazAqparat Nur-Sultan ákimdiginiń resmı saıtyna silteme jasap.

Nur-Sultan qalasynyń ákimdigi «QazTransGaz Aımaq» AQ-men birlesip, buryn gazǵa qosylmaǵan Agroqalashyq turǵyn alaby bóliginde gaz berýdi bastady.

Osylaısha, Dúısenbaev kóshesi – Qartaly kóshesi – Tilendıev dańǵyly – Bókeev kóshesi aýmaǵynda turǵyndar gazǵa qosylýǵa múmkindik aldy. Osy jyldyń qarasha aıynda Agroqalashyqtyń qalǵan bóligin, sondaı-aq Potanın kóshesi men Maskeý kóshesi mańyndaǵy sektordy gazdandyrý qamtamasyz etiledi.

Osy aýdanda turatyn turǵyndar úılerin gazǵa qosýǵa tıisti ótinim berý úshin «QazTransGaz Aımaq» AQ-ǵa (Respýblıka dańǵyly, 24) júginý qajet. Tolyq aqparatty myna telefondar arqyly alýǵa bolady: [phone], vn.1530, 1527.

Esterińizge sala keteıik, qazan aıynyń ortasynan bastap Ońtústik-Shyǵys eldi mekeniniń turǵyndary da óz úılerin gazǵa qosyp jatyr.

Aıta ketý kerek, eki jyl ishinde elordada 645 shaqyrymnan astam ishki kvartaldyq gazben jabdyqtaý jelileri salyndy. Kóktal-1, Kóktal-2, Temirjolshylar, Ońtústik-Shyǵys, Agroqalashyq eldi mekenderiniń turǵyndary gazǵa qosylýǵa múmkindik aldy.

Osy kúzde Promyshlennyı, Agroqalashyq jáne Ońtústik-Shyǵys (qosylmaǵan bólikter) turǵyndaryna múmkindik jasaldy. Sondaı-aq, «QazTransGaz Aımaq» AQ Kúıgenjar, Mıchýrıno, Internatsıonalnyı eldi mekenderinde gazben jabdyqtaý jelileriniń qurylysyn júrgizýde.

Gazdandyrý – Elbasynyń aýqymdy jobasy. Joba qala turǵyndarynyń ómir súrý sapasyn arttyryp, qala ekologııasyn aıtarlyqtaı jaqsartýǵa múmkindik beredi.

Qalany gazdandyrý máselesi Memleket basshysynyń baqylaýynda.