Astanada agrarlyq-ınnovatsııalyq ortalyq ashylady
Búgin Astanada ótken QHA kásipkerler qaýymdastyǵynyń forýmynda QHA Tóraǵasynyń orynbasary Leonıd Prokopenko Memleket basshysynyń tapsyrmalaryn oryndaýda bes negizgi baǵytqa nazar aýdarylatynyn atap ótti.
«Birinshi maqsat - agroónerkásip kesheniniń áleýetin iske asyrý, ǵylymı agrarlyq-ınnovatsııalyq ortalyq qurý. Aýyl sharýashylyǵy salasyna bedeldi otandyq jáne sheteldik sarapshylardy belsendi tartý da negizgi maqsattardyń biri. Bul másele boıynsha QHA Hatshylyǵy, atap aıtqanda, S.Seıfýllın atyndaǵy Qazaq agrotehnıkalyq ýnıversıtetimen qol qoıylǵan memorandým aıasynda jumys isteıdi », - dedi L. Prokopenko.
Sonymen qatar, qaýymdastyq jas kásipkerlerdi qoldaýǵa, sondaı-aq aýyldyq kásipkerlikti órkendetýge kúsh salmaq.
«Úshinshiden, ımport almastyrý jáne kooperatsııalardy damytýǵa den qoıylady. Tórtinshiden, - tehnologııalar men quzyretterdiń transferti. Bul degenimiz - zamanaýı tehnologııalardy tartý, kásipkerlerdi jańa bıznes daǵdylaryna úıretý», - deıdi ol.
Leonıd Prokopenko óz sózinde nemis, túrik, koreı, sondaı-aq uıǵyr etnomádenı birlestikteriniń úlken tájirıbesin atap ótti.
«Tabıǵı resýrstardyń utymdy paıdalanylýyna baǵyttalǵan jobalardy qoldaýdy kózdeıtin« jasyl» ekonomıkany damytýdy kózdep otyrmyz», - dedi ol.
Eske sala ketsek, Astanada «Memleket basshysynyń tapsyrmalaryn oryndaý úshin QHA Kásipkerler qaýymdastyǵynyń 5 bastamasy» taqyrybynda forým ótken bolatyn. Forým aıasynda Qazaqstan halqy Assambleıasy Kásipkerler qaýymdastyǵy quramyna enetin otandyq taýar óndirýshilerdiń, qolónershiler men jas startapshylardyń ónimderi qoıylǵan kórme uıymdastyryldy. Іs-sharaǵa QHA Tóraǵasynyń orynbasary - Qazaqstan halqy Assambleıasy Hatshylyǵynyń meńgerýshisi Leonıd Prokopenko, QR Parlamenti Májilisiniń depýtattary Vladımır Bojko, ıÝrıı Tımoşenko, Albert Raý, sonymen qatar memlekettik organdardyń ókilderi qatysty.